(( أبيك تعرف )) ... مصافحه أولى لمسامعكم الكريمه

[حمد شهاب حمد]

.=.
أبيك تعرف شي واحد وخلّه=عبره لقلبك خاين وناكر الود
إنّي عزيز النفس م رضى مذلّه=لو كان حبّي لك وصل آخر الحد
طريق قلبي كان قربك محلّه=بس الخيانه أسّست بيننا سد
واليوم عذرك قبل تشربه بلّه=وإشربه وإندم يا عسى بس م ترد
لول عطيتك صادق الحب كلّه=جازيتني بالشين وأنقضته العهد
أسامحك ع أي زلّه و زلّه=ودستور قلبك لين آخره مسود
درب الوفا مثلك ترى ما يدلّه=دامك بدرب الشين والغدر منهد
أنصحك هذا الدرب إنساه خلّه=عن لا يجيك اليوم لي منه تنفد
.=.