ورقة أولى ...قصيدة ( لا حيوني ) ....

[محمد بن دايل]

مع التحية والاحترام لأعضاء المنتدى الأكارم

قصيدة ومصافحة أولى اقبلوني بين جنبات المنتدى المتميز

لا إله إلا الله

صلو على محمد

عاشق اللي من تحديها تغيض أعداها =ثمرة وتسد جوعي عن شتات عيوني
مدبرة كنها سفينة ودعت مرساها= مقبلة يا رب سترك لا يجن جنوني
من نحالتها تقول ان الزمان اظناها= كن فيها قل صح وسنها قانوني
جابها الله تقتنيني من عظيم اشياها = وان تعوضني فـ ناس للردى خلوني
قلت يا حيا الهموم بمثلها حياها= تندفن فيني الين اقول لا حيوني
لو خذت خد الفقير وذوقته اشفاها=صاركنه وارث الخزنه على قاروني
ضايعة تنظر بعين الحقد يا طغياها=مثل ما تنظر فلسطينية لصهيوني
يا رزانة كل ابوها حكيها واخطاها= واستمالتها وطقة علكها الليموني
وانتفاضة شعرها اللي داجي(ن) غطاها= والتفاتتها وباقي سحرها الفرعوني
ان تغلت كل شي(ن) يمتثل لرضاها=وان رضت قلت اتركوني عندها وانسوني
هذي اللي قلت عنها : إنني أهواها= لين صارت في عيوني عالمي وفنوني