غيم الحقيقه

[احمدعايض الشراري]

مابين قال فلان وفلان ماقال=هذا يروجها وهذا نشرها
دعايةً تبقى على كل الأحوال=جمره خبيثه كل منا خبرها
زيف الحقايق صوتها عزف موال=يطرب لها الحاقد ومن هو حضرها
وغيم الحقيقه غيمها دوم همال=تكشف نوايهم وتسكب مطرها
ملبوسها ثوب الوفا فعل وخصال=بنت الشيوخ اللي عزيزاً مهرها
حشمة شرف ماهمها قول عذال=ليلة شموخن بان فيها قمرها
فيها انبهر من زينها كل الأزوال=والله يعين اللي بعينه نظرها
ذكرت شيً دوم يطري على البال=والنفس بعد الشي ولى كدرها

[بروق الشمال]

صح الله لسانك
حروفك قمة

وبإنتظار جديدك

[قديم الشوق]

شاعرنا القدير / أحمد عايض الشراري

صح لسانك وأنا أخوك

قصيدة شامخة ومعبرة من شاعر مبدع ومتمكن

وكفانا الله شر الشائعات

يسعدنا دائما ً تواصلك الجميل معنا

الله يعطيك ألف عافية

وتقبل فااائق تقديري واحترامي