صـــــمــــت الــغلابـــه

[احمد بن سارح]

كل عام وانتم بخير
لكم هذه لعلها تلامس شيئا لديكم

ياخي تعبت مـن القلـم والكتابـه=ومن كثرة الاوراق بينـي وبينـي
أملى من آهاتـي دفاتـر ولابـه=عين ٍ تفك احزانها غيـر عينـي
كلْ ليله الهاجس يسـري ركابـه=ويلف بي الدنيـا ويملـى يدينـي
أجمع من العالم جـروح وكآبـه=وآهات واوجاع وهمـوم وأنينـي
وآخذ من المظلوم نكهـة عذابـه=وخشوع ليل وتمتمـة سجدتينـي
يهديني اليتمـان جـور القرابـه=وسهم ٍمن يديهم بصـدره مكينـي
حتى ندا الهيمـان يملـي جوابـه=ومن المفارق دمعتيـن وحنينـي
أتعب من اتعابي تضيق الرحابـه=آنـوخ ركابـي وامسّـح جبينـي
وليا اشرقت شمسي كسرت الرتابه=وانفض يديني والأسـى يعترينـي
وانزّل حمولي بلطـف وغرابـه=على كتـاب ٍماعجـز يحتوينـي
واهديلها عنوان(صمـت الغلابـه)=واطرز البيضا(بنبـرة حزينـي)
واشكل الروعـه بـذوق ونجابـه=وآزفهـا ليعـون مـن يحترينـي
واتفاجأ اني عايش ٍوسـط غابـه=وغيري من اللا شي ساكن عريني
يهملني العالم وانا اللـي سرابـه=وحيد ورياح الظمير اتحديني؟؟؟؟؟
لكـن بهالدنيـا تشـوف الغرابـه=من ياصل القمه رفعـه العوينـي
ماهمني لو صـار وقتـي نهابـه=متشبـثٍ بالله وآحــب ديـنـي
يكفي ضميري لو رضا بالكتابـه=ودعوة رضـا لله مـن والدينـي

تحيتي

[بروق الشمال]

صح لسانك ..


ويعطيك العافية قصيدة فيها الكثير من المعاني الراقية

ودي واحترامي

[مرام]

يكفي ضميري لو رضا بالكتابـه ** ودعوة رضـا لله مـن والدينـي

والنعم فيك وصح الله لسانك

ابدعت واكثر

[قديم الشوق]

شاعرنا / احمد بن سارح

صح لسانك يامبدع

دائما ً تتحفنا بالجميل المميز

أشكرك على هذا التواصل العذب

وفي انتظار المزيد من هذا الجمال

وتقبل فاائق تقديري واحترامي

[أبوفارس المرواني]

هكذا فليكن الشعر وإلا فلا

تستحق أن أحييك شعرا لا نثرا يارجل !!!!!!

لك ياابن سارح حرفنه بالكتابه=صعبة على يمنى الذكيّ الفطيني
هذا الشعر يوم ابتدى وانتهى به=عقد الورود يجيه يسعى حنيني
لله دركْ يارجل كل جابه=جت في المكان اللي يبيح كنيني