يـا عـيــــــد

[عنــــــاد]

.
يـا عـيــــــد
.
.
لاتلومني ياعيد لو ضاق صدري
لاتلوم قلب اللي مفارق دياره
.
لاتلومني ان كان مليت صبري
ولاتلوم صبري كان مل انتظاره
.
وإن شفت دمع العين عالخد يجري
لاتمسحه خله يزيد انهماره
.
قلبي ترى يلهب على نار جمري
يمكن دموعي تَطْفِي جمره وناره
.
العيد فرحة ، بسمة شفاه أدري
وما للحزن والضيق ذكر بنهاره
.
أدري نهاره يجمع الناس بدري
وتعيش من بعد الممات الزيارة
.
هذا يسولف وهذا يلعب ويجري
وهذا يسلم .. في سلامه حرارة
.
بالمختصر عيد الفرح يوم حصري
يوم الفرح يوم السعد و البشارة
.
قسوة قلوب الناس في العيد جبري
غابت .. وكن الضيم عاش إحتضاره
.
والحقد فارق يومنا قبل فجري
وشفت الحسد يرحل وينفض غباره
.
تطْهَرْ قلوبٍ رجسها كان يسري
ولانت قلوبٍ قاسية كالحجاره
.
ياعيد أعذرني ليا جاك عذري
لا شفت دمع العين هل بغزاره
.
سلّمت دمع العين مفتاح صبري
متغرّبٍ بالعيد حنّ لدياره
.
يا عيد أدري تفرح الخلق أدري
وأنا الوحيد اللي بكى في نهاره
.
.
شعر


عنـــــــاد
.
.
.

[زهر البيلسان]

وعليكم السلام ورحمة الله وبركاته

عيدك مبارك يا عناد

صح لسانك

قصيدة مؤثرة وحزينة

وصفت لنا حال

من يأتيه العيد وهو مفارق الوطن والأهل والأحباب

أحسنت وسلَّم الله يداك

بانتظار جديد شِعرك الجميل

[سحابة عطر]

وعليكم السلام ورحمة الله وبركاته
وانت بصحه وسلامه
وعيدك مبارك يااخوي
قصيده مؤثره وبنفس الوقت جميله بكلماتها
تسلم يدينك يااخوي
الف شكر لك
ويعطيك العافيه يارب

[قديم الشوق]

الشاعر / عناد

صح لسانك وانا اخوك

قصيدة رائعة ومميزة

من شاعر عذب وجميل

الله يعطيك ألف عافية

وفي انتظار المزيد من تواصلك الجميل معنا

وتقبل فاائق تقديري واحترامي

[عبدالله بن حواف]

أحمد عواد ( عناد )
صح لسانك ،
و أنا أشهد أنك شاعر فحل و جزل
أسجل أعجابي و دوام متابعتي
أخوك /
عبدالله بن حواف

[عنــــــاد]

[رمثي رحيمه]

عناد
صح الله منطوقك الجميل راق لي ماطرحت
نص مميز وراقي لاهنت
تقديري

[عنــــــاد]

المشاركة الأصلية كتبت بواسطة
رمثي رحيمه;229481

عناد
صح الله منطوقك الجميل راق لي ماطرحت
نص مميز وراقي لاهنت
تقديري

الغالي رمثي رحيمة

صح بدنك

شرفني مرورك


.

[العف الخجول]

يفخر المنتدى بامثالك اثناء قيامك
بمباشرة فتيل العطاء فكم غمرنا بالعطاء..

تقبل مروري المتواضع

[عنــــــاد]