فلان شاري فلان وفلان باعه

[العف الخجول]

ويش انت تبغي بي معا طاري النوم
طيفك يبيتني .. ولابـه مناعـه


احط خدي شوي واطريك و أقـوم
و يغزي السهر عيني و لابه فراعـه


اسري و ادور خط ماهو بـمزحـوم
واقول للهاجوس سمعآ وطاعـه


من غبت حافظ لك وسط جوفي البوم
ما اغير أقلب بالصورّ .. [ كل ساعه ،


وجهك على جـدار المعاليـق مرسـوم
عين المهاه .. وخـد يبـرق شعاعـه


عز الله ان النـآس معطـى ومحـروم
فلان شآري فلآن وفـلان ، [ بآعـه


غدا بك الوقت الردي جعلـه القـوم
والروح عقبك عايشه في مجاعه


غذيتها دمع و تناهيت وهموم
والقلب لا غذي من الصبـر زاعه


اي والله احبـك لا ادري وش الوم
الوم وصلك ولا الوم انقطاعـه ؟!


باحلفك بالله هـو يقبـل السـوم ؟
قلب ما صدق فيك هرج الاشاعـه


واحلفـك بالله والقلـب مضيـوم ،
متاك تنسى عاشقـك وارتياعـه ؟!


حبك بكوم وصدك التالـي بـكـوم
فليت لجـروح الليالـي شراعـه


انا كان ما يجيبك سوى جرح وسهـوم
اجرح ويفـداك الحشا ، [ والتيآعـه


قصآيدي باسمك سبت كـل مهيـوم
لين فضحتني في عيـون الجمآعـه


ياللي تواصل يوم وتغيب كم يـوم !
غلاك في نقصان عقـب ارتفاعـه


سكين غدر الوقت قاتـل ومسمـوم
ويالله سترك من طعـون البشاعه


متسحرك قلبي ولا فاد بك صـوم
مآ كني أوصيك واقـول ، [ راعـه


مابه على دنيا الفنا حاجـه تـدوم
واكبر دليل الحب ضعت بضياعه


يا ليل وش سراك في قلب مظلـوم
منت برفيق لـي ولا لـك وداعـه


سريت متثبـت وذا الحيـن منجـوم
وش يرحم المشتاق والشـوق لاعـه


فيا من تقول ان الحكم دايمـه دوم
وش رايك ان الضد يصبح ( قناعه )


ركز معي واسمع مفاهيـم وعلـوم
عشآن تدري كيف حبـك الصناعـه


الخبث في الاعداء ما يلحقـه لـوم
و الكذب لجل الوصل ينهي القطاعـه


وطعم السهر بالحب احلى مـن النـوم
والذل من فرقـآ المحبـه ، [ شجاعـه


يعني اكون اغليك .. و اعيش محـروم
احسن من جروحك علـي كـل ساعـه