كم بقي لين اوصلك.....

[الجاهمية]

كم بقي لين اوصلك بالله ولا لا تقول.......ادري اني واصلك لو طال في صبري رجاك

لو يطول الصبر وله لو تزيد من الحمول......والله اني ماتنازل لين احلق في سماك

طيفك الي بين طيات بالحنايا له مثول.....لونستك مانساك القلب والله مانساك

المحك باخر طريقي تضحك وتغرق خجول.....قلت من دونك هجا ضلعي وقلبي من وراك

يوم شفتك صابني من رهبه الموقف ذهول....سلهمت عينك بعيني قلت ياقرب الهلاك

والمسافه بينك وبيني مداها مايطول....والكفوف البارده ذابه علي طاري دفاك

وردك الي من ثلاث سنين مايعرف ذبول.....من عروق القلب يروي كل ما نسنس هواك

اذكر انك في حشاي لحالك تصول وتجول.....مرتن يسعد صباحك ومرتن يسعد مساك

ياربيع العمر ياربع جهاتي والفصول....الغلا من عند ربي واشهد انه الله عطاك

كل زولن غير زولك مالقي عندي قبول...من عرفتك ماذكر الناس وصلو مستواك

كيف اشوف البرق يبرق وانت لك طرفا كسول..وكيف لا مني ذكرتك قلت جاك الموت جاك

وكيف اشوف الليل ياخذ من طرف ليلك س دول...وكيف اشوف العسل والجمر الاحمر في شفاك

كانها تحرس علي ضفه نهر صفين لو ل....واهنين لاذ عن جمر اشتياقه في حماك

فيك من ريم الفلا الجيد والطبع الجفول...ومن شعاع الشمس لمحه كل ماترفع غطاك

انت...شي لاذكرته دقت بقلبي طبول...انت حلم لا غمرني ماذكرت الا لقاك

لو يطول الوقت شفني حافظ اشداد الذلول...حافظا كل العهود وشمت عن هذا وذاك

ان ذكرت انك حبيبي اكبر اهمومي تزول....وان ذكرني اني حبيبك زاد في قلبي غلاك

سامح الله من يحاول بيني وبينك يحول...كم عذول تجاوز خطط ماهز الشباك

الخطا وارد وربي ماعصم غير الرسول..وانت لا تبطي علي ولا تطول في جفاك

الجفا لو زاد حده مالقي عندي حلول...والقصايد لو تفجر كلها تطلب رضاك

كل ماقلت الوفا لناس عادات واصول اذكر الناس هذي ماتوفيني وفاك

الوصال افضل طريقة لجل تحقيق الوصول...والوصول افضل طريقه لابغيت اوصل مداك

لي سؤال يدور في بالي ولو فيها فضول..كم بقي لين اوصلك لا صارت عيوني سماك