أول كلامي00وأخره كله

[عقد الألماس العتيق]

الرائع00
مهندس الكلمة00والحرف00
البدر00
أحبك00ترى ذا أول كلامي وأخره كله
لكن وش يضر اليوم00لو تدري عن أحوالي
وخذ ما جازلك من هالحكي00واللي تبي00خله
أنا لمن قلت مافي خاطري والله ما أبالي
ظلال العاشق جروحه00ومن ما يتبعه00ظله
أمانه ياشبيه الشمس00لاتغضب من ظلالي
وتقدر تطوي الدرب البعيد00وتقدر تفله
ولكن صعب تمنع في الهوى00صبري وترحالي
وتقدر تغمد السيف الرهيف00وتقدر تسله
ولكن عند خلاق البريه00علم الآجالي
متى عمرك سمعت بعاشق(ن)00قد مات من غله
هذاك الحاسد00وراعي الهوى تتلفه الآمالي
حبيبي من عزك بالهوى00ما تقدر تذله
ترى قربك يزيدك بالغلا00وأن عفتني غالي0
بدر بن عبدالمحسن