العمر هاك وتنق
مدام حبك مرق
في داخل اضلاعي
في داخلي واعي !
تنق دام الحشا يُمنى كريم ( ومتحف واجاعي
بتغميضة جفن عين الملامة) يسدل سْتاره
تنق لو يرعبك صوت الجروح وميلة اوضاعي
تنق قبل المسا يرمي على وجه الضيا غْباره
ترى قلبي يذّوب صبري الممدوح واضلاعي
مثل : ماللبحر ملح ويذووّوب صبر محّاره
تهجيت الفرص صرف وطويت الشوق وشراعي
وصرت امشى على وخز الجروح لـمدخل الحاره
بعض مرات اشوف ان المدينة مالها داعي
الى من غبت عن درب العيون وسوره وداره
وبعض مرات اشوف ان المدينة كنز واسماعي
بحاجة صوتك اللي قسّم الكلمات : قيثاره
ومدام ان الغلا ممكن يجيبك والأمل واعي
ماني بقايل ليالي الصيف مجنونة وغداره
بشب النار من عوج المحاني والهوى اصباعي
عشان تْشوف وشكثر المولع : تأكله ناره !!
والى من جيت لدروبي : بقول ان السما قاعي
وابقطف من حلا الفرصات يشمومة ونوّاره
اليييين الشوق مايتعب ويكسر متحف اوجاعي
ومن بعده على قلبك بسدّل ( عمري) سْتاره
أنت غير مسجل في منتديات منابع الأدبية . للتسجيل الرجاء إضغط هنـا
17-04-2006, 01:39 AM
صبر محّارة
باتل عبدالعزيز 
العرض الشجري