مـ تاهت بـرد ..!!

[هاني الفرحان]

النهار: الإنحدار الفاتر افـ عين المدى..!
الظلام: الإنتصار لغفلة الوقت البليد
.
.
أمس .. و الشعر انتحار وعقرب الساعة فدا
أحزم لشرفة غيابي وجه وأفكار ووريد
.
.
رحت والأرض اتنّفس حضرة اللي ما اهتدى
غير لدروبٍ تؤدي دور لـ أغلالٍ و قيـد
.
.
شفت صوتي ينتظرني في مهاوي من ردا
وشفت اني كنت مني عابر لبعضي وحيـد ..!
.
.
إلتحفت بغصة وخوف وهواجيسي رِِدا
واسألة صوتي متاهة برد و انفاسي جليد
.
.
س/ج
.
.
القصايد.؟! إرتداد شعور فـ ضلوع و صدى
والعوايد .؟! مستوى من شك يفضي للأكيد
.
.
والبشر.؟! أجناس من (أ ن ج ا س) /..أصحاب و عدا
والقدر .؟! رغم الحذر فـ..اللهُ يفعل ما يريد
.
.
والهوى.؟! حفنة غوى فـ الغالب .. إلا ماعدا ..!
والجوى.؟! قفرٍ خوى من ظل أغصان و جريد
.
.
والألم.؟! جرة وهم و افـ رحلةٍ ضاعت سدا
والندم.؟! عضة عدم و افـ كف لا لا ما يفيد
.
.
والأماكن.؟! شيء ساكن يحفظ اللي قد غدا
والمحابر.؟! و المقابر هذي لـ هذي عضيد
.
.
وطاح بي يا صوت صبر من الخبر للمبتدا
وصاح بي يا صبر صوت من القريب إلى البعيد
.
.
وصاحبي ياشعر بدري ..! عقرب الساعة فدا
هات من شرفة غيابي وجه و افكار و وريد
/
.
.
.
.
.
.
هــــاني الفرحـــان
/
.