آآآآهـ منهااااا,,,,,,يامحمد الفرحان

[عبدالله بن عزبين]

السلام عليكم ورحمة الله وبركاته

مدخل: محمد الفرحان افتحلي الرسايل الخاصه ولا ارسل لي رقمك ,,,,,هذي خيارين,,,,تدري وش الثالث؟؟؟بقول فيك قصيدة خخخخخخخخ

هنا اول إهداء مني لكم واتمنى يعجبكم يارب

محمد الفرحان كل الشكر انك جمعتني بالأسماء الكبيره هنا,,,,

ياهل الخير أعذروني لابكيت ولا شكيت = مابقى فيني صبر وآشوف ويش المقبلات
أن بكيت من القهر والظلم ياما قد بكيت = وأن شكيت من السهر والطرف قدله مايبات
كان حالي همكم فالمعذرة عن كل بيت = ودي أخفي كل هم ومادري ويش السوات
همي أنتي همي أنتي همي أنتي وان نويت = باتناسى همك أنسى كل شي فالحيات
أنسى نفسي وأنسى أسمي وأنسى روحي مانسيت = أنك لروحي حياة وأنك لروحي ممات
أن لفيتي سار دمي في عروقي ثم حييت = وأن جفيتي جف دمي فالعروق الجاريات
كيف لا؟ والحب يملكني وعنه ماسليت = كيف لا؟ وأنتي ملكتيني قبل كل البنات
ياهل الخير أخبروها أني بحالي بديت = مثل من تعذروا بعلاجه المستشفيات
علموها عن غلاها وش كتبت ووش قريت = وعلموها كيف حولت القصيد لمعجزات
وعلموها كان ماتفهم طموحي وش بغيت = وعلموها ويش أسوي كل ماراحت وجات
وعلموها ليش انا من بين هالناس أختفيت = وعلموها ليه عجلت الحجز بالطايرات
وعلموها ليه أنا سافرت ولا ليه جيت = وعلموها أن روحي مالها عنها غنات
وعلموها أني اللي طحت كلي وانتهيت = وعلموها أني اللي عمر الدنيا ومات
وعلموها أني اللي في حياتي ماعطيت = وعلموها أنها أول من عطيت بدون هات
وعلموها اني اللي دون خلق الله وفيت = وعلموها وذكروها مامضى من ذكريات
وذكروها أن ربي يبتليها لا أبتليت = وذكروها أن ظلم الناس يرجع بظلمات
وذكروها أني اللي طول عمري ماخطيت = وذكروها لاتجازيني على شي[ن] وفات
وذكروها أنها تقسى ولا عمري قسيت = وذكروها قبل لا أدعي عليها فالصلات
وذكروها كم أنا في حبها مت وحييت = وعلموها لاتخليني ووصوها وصات
قد أكون الطفل إن زاد الالم بي ثم بكيت = أو كمن ينظر إلى نهرا أمامه ثم مات

وسلامتكم
عبدالله بن عزبين
06-14-2005