سلام الله على الشعب السعودي للشاعرنايف بن عرويل

[صـمـ الجروح ــت]

سلام الله على الشعب السعودي كاسبين الكار
سلام قاله الصارم قبل لاتبدي الغاره

أخاطب نقوة العالم ولاأخاطب عقول صغار
ومن يفهمني يترجم كلامي لأفضل عباره

لأني دايماً سيده ولاعندي يمين يسار
وأنا من عادتي ماأخشى كلام الحق وإظهاره

أنا لي ثار ماأخذته ولكن ماهوبأية ثار
عظيم لاتذكرته يضيق الموق بعباره

ألا ياليت عبدالله يصرح يوم لأهل الدار
عشان اللي ماأخذ ثاره يقوم ويأخذبثاره

قسم بالله مايرفع علمهم والحروب تدار
ولايظهر لهم صوت يهز الناس بجهاره

عسىصوت يغنى به على معزوفة الكفار
ليامنه بلغ حده تقطع كل أوتاره

عسى من حارب الهيئه قبل يقلط بوسط النار
يذوق الذل في وسط الحياة وتنطفي ناره

ولامن حارب الهيئه ياكود الحابل المكار
وشخص عيت أخطاءه تطابق جملة أعذاره

هذولا العلمنه واللي تبعهم خاين غدار
ولاهالناس هي ناسه ولاهالدار هي داره

هذولا آلات مصنوعه عشان تطبق الأدوار
عطاها الغرب مايملك عشان تطبق أدواره

سفارات الدول تبني حواجزهاعلى الأسوار
وهم دروبهم تفرش من البواب للحاره

خفافيش الظلام اللي تخاف تواجه الأنوار
وجوه سود مكروهه ومكاره وغداره

يمضيها اليهودي لاأنحنت عنده على إقرار
وتبقى طول ماتبقى تطبق كل أفكاره

حثاله فكرها ماسخ تغذى من حليب العار
عقول ساقطه دايم بأتفه شي محتاره

تسب الدين وتحاول تزيل رسالة المختار
يبين الطهرلكن الخفي أنجس من الفاره

يبون قيادة المرأه يبون يخربون ديار
يبون الدين ماينصر يبون أجساد منهاره

يبون الفسق في الدوله يبون الرقص والمزمار
يبون من الوطن يبني كرامته على باره

يبون من البني بنت تقط حجابها بإشهار
يبون من الولد يترك عيون الناس في عاره

يبون اليالفى جيش على حد البلد جبار
يفزون ومحارمهم ترش الورد وأزهاره

مثل بغداد ماينسى ولايخفى على الأنظار
غزى جيش العدى وأكرم يدين الخاين وجاره

ولكن فز يانايف عسى يفدنك الأعمار
ياحر لاكفخ نومة هل المقناص بطياره

ترى لازادت الكيله نفوس المسلمين تغار
وفيهم من ملك نفسه وفيهم ناس ثواره

وحنا نعرفك سيف يبث الراس لامن ثار
ولكن كيف يفهمها كبار العقل وصغاره

ختمت القول وأوجزته ولاباقي معي أسرار
وإذا بلغت فأشهد لي يارب الكون وأماره
*******************************
لشاعر >>نـايـف بن عــرويل الـعـتـيـبـي<<

صح لسانك يانايف وبيض الله وجهك قصيدة اكثر من رائعة تستحق الاشاده

لنا الفخر بك