سوبر ستار

[هيكل الشمري]

بديت باللي عالم(ن) كل الاسرار = الواحد المعبود رب العبادي
يامنجي ابراهيم من شبة النار = بقدرت الباري جعلها برادي
يومن ولوه وطاح بيدين كفار = ربي فناهم جعلهم للرمادي
سبحان ربي كيف للعبد غفار = لون ذنوب العبد ماله عدادي
الله اكبر ياعرب شالذي صار = صهيون جت تنشر علينا الفسادي
يوم ظهرها ياعرب جمع الانصار = لفى علينا الفسد من كل وادي
لاشفت شبان العرب اكتب اشعار = بلكي على القيفان شد الايادي
بعض الشباب الوقت عادو على البار = يسكر ويجني ذنب ويقول عادي
والبعض الاخر يومهم عجل وسار = ومحد بهم ياناس فيه استفادي
شبابنا كل همهم سوبر ستار = وشبابهم بالعلم طالو البعادي
جالو على سطح القمر حطو اقمار = وحنا قضينا وقتنا بالحيادي
دار الزمان وباقي الوقت غدار = هذا زمانن به لحقنا السوادي
شوفو فلسطين العرب كيف تنهار = والقتل بالاسلام ماله عدادي
وشوفو بفغانستان وش الذي صار = وشوفو العراق وماجرا ليـ بغدادي
شنو هجوم الجو بالفين طيار = والروس بالشيشان تحصد حصادي
يالله يالعارف تصاريف الاقدار = ترسل ملاك اليوم يفني المعادي
ولاّ تخلي قلوبنا كلها اذكار = وترفع بنا الايمان حان الجهادي
ولاّ تعيد الحال مثل اول احرار = ونحارب الكفار بسيف الهنادي
هذا كلامي مابقى شي مادار = راجيك يالمولى تعز العبادي
وصلاة ربي عالم سر الاقدار = على النبي اللي على الخلق بادي