ياغايبة

[جمال الجابري]

السلام عليكم ورحمة الله وبركاتة

اتمنى قبول عذري بالانقطاع الطويل الغير مقصود عنكم

ياغايبه والشعر في حظرة غيابك سامي
بالرغم من تجسيدك لهمي ومن غلطاتك
ياطيف يغني عن بشر يامرتعي واحلامي
يانظرةٍ تعزف شجن .. يالبها نظراتك
كافي سهر وبعاد ياداء ودواء المنظامي
يامعلمة وشلون بسمة من حلا بسماتك
ياملهمة بالحب شاعر متعب الاقلامي
محتار يبدأ من عيونك .. خدك .. ووجناتك
قومي تباهي بالفتن لايابعد من قامي
واصبح من التجريح بين أحيائك وأمواتك
إذا كذا عظيتي ابهامك تذوب عظامي
ياقو صبر إبهامك إن خالط سكوت شفاتك
انا على غبة بحرك من اليمن للشامي
لو كنت اعرف ان اليمن هالك وشامك هاتك
إلا البعاد المنصرم والليل والأوهامي
تحدني في شيء مافاتك وشيءً فاتك
وإن كنت الومك بالوصل لاتلوم منهو لامي
جاتك تعابيري وانا مدري وش اللي جاتك
تعبت في سرد القلم من غير سرد اقدامي
ماترحم اللي له سنة مابين خذني هاتك
جسّدت لك لوحة بقلبي ستايل وبروقرامي
وأتابعك بتويترك وبزخرفة نكاتك
وانا على عامي ولاأدري وش نهاية عامي
وانا على رغبة لقاء .. بالله وش رغباتك!!؟
إن كنت ناوي للجفاء .. الله يعين الضامي
وإن جيتني فالنيل نيلك والفرات فراتك

[قصائد]

الجابري جمال .
صح لسانك مدد بلا عدد
إرتشفنـآ حسـآ ل حدود الارتواء
طبت وطاب فالك /لآ عدمناك .

[بسكوته]

صح لساااااااااااااااااااااانك

[نداء الذات]

تعبت في سرد القلم من غير سرد اقدامي
ماترحم اللي له سنة مابين خذني هاتك
جسّدت لك لوحة بقلبي ستايل وبروقرامي
وأتابعك بتويترك وبزخرفة نكاتك
وانا على عامي ولاأدري وش نهاية عامي
وانا على رغبة لقاء .. بالله وش رغباتك!!؟
إن كنت ناوي للجفاء .. الله يعين الضامي
وإن جيتني فالنيل نيلك والفرات فراتك

[نداء الذات]

رووووووووووووووعه

[جيداء الوادي]

استاذ جمال كلمات مميزه