يابو رموشٍ مثل حد الخناجر

[فهد الذيابي]

قام القلم يرتجف فى كف شاعر = وفاضت ابيوت المشاعر من بحرهن
وفي جيتك فاضت جميع المشاعر = مشاعرٍ من وسط قلبٍ جذبهن
هلا بعشقٍ ماعرف سيف غادر = عشقٍ تربع فى الضلوع وسكنهن
يابو رموشٍ مثل حد الخناجر = ويابو عيونٍ كحلها من هدبهن
ياهيه وش تطلب عليه وتامر = لو تطلب اعيوني عطيتك حداهن
انا بعشقك ياهوى البال تاجر = لو مملك الاموال عشقك بدلهن
زولك ليا جاني مع الطيف عابر = تحركت مشاعري من وفاهن
لو غبت والله لقضي العمر صابر = وانا عيوني ماتغير رجاهن
لولا الملامه لزعج الصوت باكر = واقول احبه لو زعل هن ابن هن
والموت واحد والعبر بالمقابر = والنار والجنه بيد من خلقهن
ياهيه ياعفٍ نظيفٍ وطاهر = درب الشرف باقدام رجله وطاهن
بنت الرجال اهل الفعول الاكابر = افعولهم بين العرب من نساهن
من عاش في دنياه لازم يثابر = ولازم طموحات البنادم رسمهن
كم ليلةٍ في بحر الاحلام ساهر = وانا عيوني ماشتكت من سهرهن
وجيتك وقلبي ممتلي بالمشاعر = مشاعري تحركت من وفاهن