الرسمــــه !! ،

[خالد بن عاصم]

.
صباح / مساء الخير جميــعاً
متــواضعه بين يديكم ،، أرجــو أن تنال على إعجابكم ،، و على إعجابها ،،

قلت أبرسم لي / جمالٍ / فتنته حاشتنـي=جبت لي بلتا وجبت ألوان مـع مساحـه
وجبت لي كراسةٍ يوم الهواجس جتنـي=وبالقلم رحت أرسمـه متلثـمٍ بوشاحـه
ياعيونه كيف أبرسمهـا بعـد خلتنـي=ما أذوق النوم منها .. ما أذوق الراحـه
ويارموشه كيف مالاً بعد مـا حاستنـي=أشهد أنها زادت بقلب المعنّـا جراحـه
وأشهد أنها يم بحر العشق هي جرتنـي=واشهد إني غارقٍ في بحرها السباحـه
تدري إني ضايعٍ معهـا ولا دلتنـي !!=سامعتني يوم أناديهـا وهـي مرتاحـه
تحسب إنها يوم أناديها (إ)هي مرتنـي=إتركتني والسبـب هالعالـم الملاحـه !؟
وقلت أحـاول رسمهـا لكنّهـا علتنـي=لا تخيلّـت الجمـال يصيبنـي برماحـه
ماني (إ)بقايل تراهـا ياعـرب أذتنـي=لازم إني أرسمه لوها تجـي بصياحـه
وقلت أباكل شئ / حالي / بعد ماهدتنـي=قلت أباكل لي / فراوله / وأترك التفاحه
وأرجع أكمل / جمالٍ / رسمته سرتنـي=وأزرعت في / قلبي / اللي مايمل أفراحه

.

.
وســـلامة قلوبكم
بن عاصــــــم

[فهد السلمي]

الشاعر المبدع / خالد بن عاصم

صح لسانك طال عمرك ولاهنت على رسم الإبداع

قصيدة اجت الرسم في رسمها والتصوير في أرجائها...

حملت في طياتها بواطن الفن وضواهر الإبداع..

لا اخفيك طال عمرك انني عدة قراءتها عدة مرات لكي استمتع بعذوبة منهلها

سلم بنانك اخوي الغالي وسجل إجابي

اخوك

الكاسر الأول

[محمد الفرحان]

متعدد المواهب خالد بن عاصم

ماشاء الله تبارك الله شاعر محاورة

وشاعر نظم ورسام الله لايضرك

.

.

حتما" سأعود لأطيل النظر في هذا

اللوحة التي لايرسمها الاالمميزين . .

[بسـام بن عبدالعزيـز]

خالد



صح لسانك واحساسك

هنا رسمت اللوحة بريشة القصيدة

تسلم يمينك ولااااهنت



احترامي

[أحمد الجعيد]

.
.

الخالد /
خالد بن عاصم..

سيولد..للشعر
بيكاسو..
كبيكاسو..الفن

صح قلبك / كلك

.
.

ودمت بحب...//

[نواف السعدوني]

بن عاصم



لاهنت ولاهاان بوووحك


صح السانك


تحيتي لك

السعدوني

[حماد القريني]

صح لسانك وجاد نظمك

لاهنت ولاهان راسك

تحياااتي

[شامخ الرشيدي]

بن عاصم ..
صح لسانك ولاهنت على الطرق الأخاذ ..
لا اجد نفسي سوى عاجزا ً عن الرد ..
لك التقدير
اخيك شامخ الرشيدي

[مزون المحمد]

خالد بن عاصم


حضور رائع يشرق في ثنايا هذا المتصفح

اسعدنا تواصلك

دمت بهكذا إبداع

ياعيونه كيف أبرسمهـا بعـد خلتنـي
ما أذوق النوم منها .. ما أذوق الراحـه
ويارموشه كيف مالاً بعد مـا حاستنـي
أشهد أنها زادت بقلب المعنّـا جراحـه


خالد بن عاصم

مبدع وراقى جدا

صح احساسك




نغم