حديث. الممرات..

[فهد النمري]

سعيد بتواجدي.بينكم.في أول مشاركة / لي أحببت. أن تكون
حديث.الممرات..أتمنى أن تنال.رضاكم.
.


ديث.,. الممرات.

لاتسأليني وين حزن البدايات = ماضم صدري صاحبٍ ماندبته
في غيبتك آنتي حديث الممرات = والهاجس اللي شاقني ماوصلته
يامشرفه بين الهدب والثريات = الليل قبلك والسهر ماعرفته
في صدري الليله تناهيت وآهات = دربٍ طويل من الحسايف عبرته
عندك نزفت العمر عشت الخيالات = يممت حزني والجنون احترفته
في بسمتك للقلب والعمر وقفات = صوت الحنين اللي زمان انتظرته
ياللي اختصرتي في حياتي العذابات = عذاب ماهو منك مايوم عشته
مدري هو اللي جاي والا الذي فــــات = عمري ولا ادري وين قلبي تركته
الثامنه كنتي لسبع السمواات = باقي مطـرك بفمّــي اللي شربته
خـّلي عنبك يذوب حبات حبات = اكلت ماني عارف أمنين أكلتــه
أنا اكتبك من يوم أنا آكسّــر أبيـــات = ياوزن بيتٍ ماعرفت وكســـرته
لا راحت ايامي بدونك ولا جات = لو لاك كان الوقت ماجا فوقته