.:: قعدة حريم ::.

[ضوى قطر]

النفاق+ الحريم,, ماتحسون بينهم رابطه قويه

صار هذا الشعار الدائم لكل جلسه تتجمع فيها الحريم بأي مكان

::

مر جدامي موقف وخلاني افكر بهاللكلمه شوي

نقول 3 شخصيات ..مريم وآمنه وعايشه

مريم: ماشفتي بنت عايشه يا آمنه,, الله لابلينا,, حولا وشينه,, هذي وهي صغيره لو كبرت

شنو بتطلع,, يالله الله يعين اللي بياخذها,, لا وطالعه سمرا على ابوها (محترق قلبها ما خطبها

الرجال قبل عايشه :D ) ,, ومستانسه على بنتها توزع صورها في كل مكان ووين ماتروح

شايلتها ماتنزل من كتفها,, من زينها !!

آمنه :

عايشه: هلا بنات شلونكم شفتوا بنتي شحلاتها كبرت وصارت مره :)

مريم: والله توني اقول يوخيتي حق آمنه ومن دون لا احلف لج ,, اقولها يحليلها بنت عايشه

قمر فديتها كامله والكامل وجهه ماشفت بنت بحلاتها ,, ياسعده اللي بياخذها ,, عسى ربي

يخليها لابوها ( ملاحظين ان طاري الاب قبل :D ) وأمها,, ماخذه جمال امها وبياض أبوها

آمنه :

::. انتهى الموقف .::

ليش النفاق ياحريم وليش الكذب

صار هالشي ماركه مسجله لكل بنت مو بس في هالشي قام يطول كل النواحي حتى الدين

صارت موضه البنت المتحجبه والمتنقبه والمسباح بيدها وفي كل محاضره دينيه ولين رجعت

البيت اتصلت حق كل وحده وتقعد تاكل بعرض كل سيده شافتها !!

صارت المنافقه تشوه على البنت المتدينه اللي تخاف ربها !!

طبعا انا ما اقول ان جميع المتدينات من هالنوعيه ولا جميع البنات من هالنوعيه..

انا اتكلم عن قله من الحريم اللي بدا عددهم يزيد وسط المجتمع..

حبل الكذب قصير ومرده ربي يطيح المنافق بشر اعماله

واكل لحم المؤمن حرام ولا تغافلتوا عن هالناحيه

ولاشرايكم ياجماعه :)

بانتظار الردود

تحياتي