الاستاذ علي هزايمه-فضفضة من مديرة مدرسه

[علي هزايمه]

فضفضة من مديرة مدرسه

السلام عليكم...................:

بما انكم فتحتو موضوع المراهقه انا بصراحه لفتني شي الجيل حقا بده اعاده تربيه والاصح الاهل بدهم تربيه ويعرفو دينهم ... انا مديرة بمدرسه بنات ... لاحظت الجيل متغير عن زمان يعني انا كنت طالبه وبعرف كيف للبنات بيفكرو... لكن الشي زاد عن حده... وانا للامانه ما بلوم الا البيت او بالاصح الام .....تخيلي لينا لما طالبتي تيجي ع المدرسه بمكياج كامل ... المسكرا الي عيونها بدها نص ساعه لتتزبط.... تخيلي الشعر المنفول .... عطرها بيجب من بعد ٣ متر.... الزِّي المدرسي تبخر يادوب يظهر منه ٥٠ سم.... بنطلونات ستريت ... البنطلون برمودا والخلخال مبين... وين احنا وين... هاي بنت مدرسه او بنت شو بالزبط.... امها ما شافتها وقت طلعت.... ورجعنا نطالب بقيود ع الزِّي وع طول المريول والبنطلون وممنوع المكياج ... الاعتراض من الأهالي اكتر من البنات نفسهم ... انتو شو علاقتكم اذا احنا قابلين وراضين..... الموبايلات يا جماعه شو الداعي الهم يحملوهم بنات رايحين ع المدرسه .... صرنا نتباها بنوع الموبايل الي مع بنتي وتجاهلنا خطرو عليها.... صارت مشكلة عنا بالمدرسه بنت بتصور زميلاتها وهما بيغيرو لحصة الرياضه.... ومن مين عرفنا بالصدفه عاملة النظافه سمعتهم وحكتلي..... تصور معلمتها لحبيبها.... يا عالم راقبو موبايلات بناتكم السناب خرب الدنيا.... بتصور بشرطات بتصور بالداخلي وبيبعتو لأصحابهم .... خلص بيكفي ولله شفت عجب العجاب ... بنتين انفصلو من عندي بسبب فيديوهات تصورت الهم من صحابهم ١٤ سنه والتانيه ١٥..... جيل بده اهتمام بده وعي بده دين بده مراقبه .......وين الحلال والحرام من حياتنا وين .....

اخر حادثه صارت معنا طلبت اجتماع ضروري لاهالي الطلاب قبل الامتحانات والي ما بيحضرو اهلها فش تقدم بنتهم الامتحانات .... فبتحكيلي وحده من الامهات ... عن ضغط الدروس وما كان في الها داعي حصص التقوية تكون لهالوقت المتأخر .... اي حصص ؟؟!!!!!!انجليزي ورياضيات .... اتداركت ع طول في استغفال للاهل ..... خلصنا اجتماع وحكيت معها بعد ما ندهت بنتها ... واجهتهم ببعض .... حكتلها وين بتروحي ... حكتلي ما بتقبل امي ادرس مع صاحبتي فحكتلها دروس بالمدرسه ..... اي صاحبه الي بتدرسي معها.... رفضت تحكي .... اصريت حكت .... سالتها منفردة انكرت ... واجهتهم ببعض ... كمان انكرت حكت .. ما بتيجي عندي ... بعد الضغط طلعت الاخت بتلف مع صديقها بالسيارة وبعدين بترجع ع بيتها..... مابدي اوصفلكم منظر الام بس عرفت ... انهارت ... قبل ما نحكي الجيل وقح لازم نعرف ليش وقح ... انا ما بنكر هو وقح وقليل ادب وغير سوي ..بسبب اهاليهم وتقصيرهم. بتربايتهم وتعليمهم دينهم .... لازم نحاسب الطرفين .... وانتو يا امهات مسؤولين امام ربنا عن ولادكم وبناتكم ... حرام حرام حرام الي عّم بيصير ..... علموهم الصلاه اهم من الميك اب .... علموهم القران اهم من الأغاني ..... علموهم الاحترام والأدب .. اهم من طولة السان .... البنت بتحكي مع معلمتها وكانها اختها صغيرة.... في احترام للاستاذ والمعلمة... الصوت العالي عيب عيب مابيدل الا ع بنت قليله ادب.....

اسفه طولت عليكي لكن ولله بحكي من قلب موجوع ع بناتنا وفعلا البنات متل ما حكى ابنك لينا هما بيعاكسو الشباب انا شفت من هالحالات كتير الزمن اتشقلب ....