جزيرة بالي !!!

[مشعي بن بريكان]

زرت في هذه الاجازة جزيرة بالي الاندونيسية بهدف التعرف على اشهر الجزر في القارة الاسيوية ولثقتي بانها تتبع لدولة اسلامية فوجدت فور وصولي لمطار سبنسر في الجزيرة العجب العجاب فلم أمكث فيها اكثر من عشرين ساعة حتى يسر الله لي حجزاً لمكان افضل منها طبيعة والتزاماً ... من خلال الزيارة هاضت القريحة بهذه الابيات في مطار الجزيرة ...

زرت بالي ليتني مازرت بالي = كنت احسب انها خيالٍ في خيالي
قلت اسج النفس فيها واتمشى = من كثر ماقيل عنها أو يقالي
ومن كثر ماكان يحكى عن هواها = وعن بحرها والجبل ويالسهالي
بس من شاهدتها فاول قدومي = وشفت فيها الناس والله ماتبالي
عفتها وأعز نفسي عن دنسها = قلت اغادرها قبل هز الجبالي
خايفٍ من نقمة الوالي عليهم = يقطعك يادار مافيها رجالي
يقطعك يادار يعصى الرب فيها = لاسقى الله ساعةٍ جيتك الحالي
المعاصي للأسف فيها مجاهر=والبشر فيها هبالٍ في هبالي
البهايم فوق والله مستواهم=مايخافون الولي رب الجلالي
من معاصيهم يعيشون المذلة= قدرهم من تحت مقدار النعالي
اشهد ان الفرق شاسع عن وطنّا = اشهد انك ياوطنّا دوم عالي
هيه يادارٍ رضى ربي عليها = دار منهو كاسبٍ زين الخصالي
دار من طبق بها حكم الشريعة = نفتخر حنّا جنوده والعيالي
طفتنا الدنيا ولاشافت عيوني = دار أحلى منك او مثلك اتحالي
يسعدك يادار صافين النوايا = ساسها ثابت وهي فوق العلالي