خلفية اللكزس على جيب vxr

[جارح الكسر]

بسم الله الرحمن الرحيم

اليكم هذه الأبيات التي أرسلتها إلى زميلي وصديقي ورفيق دربي الشاعر // سعدي بن غالب الحارثي
وهي تتجاوز ال 60 بيتا أختصرها لكم ولتعذرووني ؟؟؟؟

يانـمـر يامشـكـاي يامعتنـايـا=ياخير من نأمن على حفظ الأسـرار
قم واستلـم مفتـاح زيـن الحلايـا=خلفية اللكـزس علـى جيـب vxr
أحـدث تصاميـم العقـول الدهايـا=اللي تجي التصميم باسلوب وابصـار
عشريـن عـام خبرتـه بالقـرايـا=وخمسين قضاها تجـارب فالأقطـار
وانتج لنـا سلعـة تثيـر الشجايـا=وتسير العاقل علـى غيـر مااختـار
انتـج لنـا جيـب عديـم الزوايـا=ومدبلـج الزينـون بديـلا للأنـوار
اليـا سطـع نـوره يفـج الخفايـا=كالشمس في سود الغطالس والأسحار
وصدامـه النيكـل حوالـه مـزايـا=مكره وحطوله على الـزار شنكـار
والوجه يبدي لـك حسيـن النوايـا=هرجات دمث الخلق من صاف الأثغار
والشبـك ذكرنـي حسيـن الشفايـا=ومداعب الغالي بعد طـول الأسفـار
وتمثـال كبوتـه شعيـرة رمـايـا=سدادة الرامي على بـرج الأخطـار
وأربـع توايـر بــارزاة خفـايـا=كالبيض في قطع الصعيبـات بتـار
مفتـل الذرعـان يعـطـي تحـايـا=ماهمته صعب الطرائـق ليـا سـار
ومن قبضة البيبـان رفـق وحنايـا=فخامة التصميـم تلعـب لهـا أدوار
ومراتبـه جلـد عـلـى مخمـلايـا=متحركـة فـن الجديـدات فــرار
وجلـد المراتـب حاويلـه خـلايـا=تطويـر للتكيـف بـارد مـع حـار
ومن لوحـة العـداد تاخـذ درايـا=تعطيك تنبيهات عـن كـل ماصـار
وبيـن المـراتـب درج للإتكـايـا=ومنظومة الديكـور سحـر للأنظـار
ولجامتـه كـهـرب وزر وعنـايـا=ورادار وبلاز مـن السوبـر ستـار
وجناح ترنيـدوا لـه الـوزن غايـا=ومساحته خلـف القـزازة للأمطـار
واليا مشى يشـدي عذيـب الشدايـا=تقسيمة الراعي على عـود مزمـار
انـص الديـار المكرمـات الحفايـا=اللي بها سباع لهـم طيـب واذكـار
خـل الـدنـو وعلـهـا للعـلايـا=سعدي ولد غالب ولا عنـه تختـار
لاهـو ولـد عمـي ولامـن دمايـا=ولاهو ولد خال ولاهـو ولـد جـار
ولاذكربـه عـرق يـرد بنسبـايـا=ولابيننـا عقـد جمـع بيـن تجـار
رد الـسـلام وبلـغـه بالتحـايـا=سلام أحلى من لبـن عفـر الأبكـار
اللـي رعـن ففيـاض نجـد تلايـا=من دونها البـارود والملـح والنـار
مـن دونهـا نمـرا تقـود السرايـا=حوافها يلحق بـه الخـزي والعـار
وأحلى من اللـي ماحوتـه الركايـا=مي علـى جالـه شمطـري ونـوار
والذ مـن شهـد النحـل فالخلايـا=صافي عسل في سدر من بد الأشجار
الكسـر جـارح والمعانـي تـلايـا=ورد بعـد غـب وربـع ومـصـدار
نقيـت مـن بحـر القوافـي نقايـا=شطر علـى أيـا وشطـر علـى أر
؟؟؟؟؟؟؟؟؟؟؟؟؟؟؟؟؟؟؟؟؟؟؟=؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وصلوا على من سن درب الهدايا = بشر هل الجنة وحذر هل النار
صلوا عليه اعداد همس الشفايا= وعداد مالبي على البيت باذكار

جارح ولتعذروووووووووووني