كلمتين

[عيد السعدوني]

احبتي السلام عليكم ورحمة الله وبركاته

عذرا على تواجدي اللغير مرضي ولكن الصيف وما ادراك ما الصيف


اقدم لكم نص من قديمي الذي نشرته مؤخرا في مجلة فواصل وأصداف عسا ان ينال ولو بجزء بسيط من اعجابكم

واشكر كل من مر هنا

جيت اسوق الشعر يمك لاجل أبين لك غلاك=مالقيت اللي يجمل حضرتك لو كلمتين
كنت اظن اني ملكته لين شفته ماقواك=لعنبو جد القوافي لاخذلت فكر الذهين
كنت اظن اني لحالي من تولع في حلاك=لين شفت الناس حولك مالها غير الونين
قلت اجي من كل عالي كني اللي مابغاك=مالقيت إلا خضوع يكسر ضلوع ا لسنين
اه ياعجز الهواوي ماملكت إلا مساك=اسهره وحدي واخايل جيتك في كل حين
لانخيت العين ولت تنظر لفوق و وراك=عاجزه حتى عيوني تظهر الحب الدفين
البلا حتى السوالف افتقدها في لقاك=ون تطورت بكلامي قمت أشر باليدين
السؤال اللي جرحني ليه انا خايف هواك=والجواب اللي ذبحني انك لوصلي تعين
ادري انك تهتويني لكن الله قد بلاك=في حبيببً لو سألته ماجمعلك كلمتين