إيهبا يدوس الاطراف

[مشاعل ابراهيم]

العز ورثي مارضيت بطماني =بنت الرجال الوافيه مابي خلاف
والكبريا فيني فروق ومعاني =والرابح اللي صان سمعته برهاف
البعض حاز من المراجل سماني = رجل ٍ ويتشرف به المدح بإنصاف
والبعض لا والله دايم يعاني =كسبه ردي في وقت غره بإجحاف
ياهيه ماني مكسبك ذالزماني =من كان مثلك إيهبا يدوس الأطراف
لانه رجل(ن) موقفه مايباني = يامكبر اللقمه وشوفتك تنعاف
مانته بكفو لبنت ذاك الحصاني = ياشايب ٍ يجهل سلومه والأعراف
تنقل رداتك عند قاصي وداني=وتحسب جميع الناس تجهل بالأهداف
ذكراك عندي ماتعادل ثواني=حتى بقولك دوم كـ الثعل خواف
يارجل في شكلك وبالفعل ثاني =فعلك مثل بنت زهت ثوب ودفاف
خسيت ياللي بالردى اليوم جاني = ماني بمثلك انشد الذل بلحاف
شيهانة ٍ مارمت عيش الطماني =ولايحرك شعرتي لمة خرااف