.. بسم الله ..
اولا احب ان اشكر الاخت / غريبة الدار على الدعوه التي قدمتها لي
وتشريفي بالانظمام لـ/ هذه الكوكبه الرائعه .. وإن شاء الله يطيب لكم حضوري
ثانيا / آتيت انا وجديدي .. لكي اقدمه كـ/ باقة ورد لكم آخوتي الكرام
عل وعسى ان تنال على رضاكم وآستحسانكم
على الله يازمانٍ شلت فيـه مـن الهمـوم ثقـال=على الله كيف آخلف فالوعـود وشتـت سنينـي
على الله وانت يالغالي اشوفـك داخلـي تحتـال=تزيف فالمشاعـر وانـت شكلـك .. ماتدانينـي
حبيبي وانت في جوفي ترى دايـم تجـي تغتـال=مشاعـر صادقـه بالحـب يمـك دوم تهديـنـي
ترفـق يابعـد عمـري ترفـق ياغنـاة الـبـال=ترفـق فـي قليبـي .. ياحياتـي .. لاتعنيـنـي
تعال اقرب وكلمنـي تعـال إقصـر بهالاميـال=وجاوبني إذا بسـآل وخـل يديـك فـي يدينـي
آبسآل ليه عشت اليوم تسمـع كـل قَيـل وقـال=آبسـآل ليـه زيفـت المشاعـر فـي شرايينـي
انا احبك ومن حَبـك تـرى والله يطيـب الفـال=سعـاده ساكنـه فـي داخلـي دايـم تسليـنـي
حبيبي وانت تعرفني شجاعٍ من قـروم / رجـال=كريـمٍ // والكرامـه داخـلـي لا ماتخليـنـي
انا روقي من عتيبه وربعـي مضـرب الامثـال=صناديـدٍ علـى العـزه وفالديـره سلاطيـنـي
وراثه فيني من ربعي وانا الشاعر / وانا الخيـال=اجيـب مَـن الطـروق اللـي اغنيهـا وتغنينـي
وانا مع هيبتـي والله احبـك واعشقـك بخبـال=ياحضك في شموخي // وانت حضك زاينٍ فيني
يقولون الغزل دايـم يجـي هـرجٍ بـلا آفعـال=وانا بتغزل اليومـه وابثبـت لـك .. براهينـي
حلال ولابغيت من الحـرام قِصـار ولا طـوال=على السنه ابي حضـرة جنابـك ساكـنٍ عينـي
حبيبي وإن اخذت من العلـوم وهرجـة العـذال=بعيف الحب // واسم الحب // واقول إنه مايعنيني
ولكني على عهـد الهـوى باقـي انـا ولا زال=( احبك ) ثم ( احبك ) ثـم ( احبـك) يامعنينـي
وانا الَحين ابي اطلـب رجوعـك ياغنـاة البـال=تعال وثبت عهودك .. وجمٌع ( باقـي سنينـي )
اخوكم ../ حسين بن عزام العطاوي
.
.
.
أنت غير مسجل في منتديات منابع الأدبية . للتسجيل الرجاء إضغط هنـا
13-08-2006, 08:50 PM
!!.... ( باقيَ سِنيني ) ....!! ن/1
حسين الغنامي 
العرض الشجري