/// مصافحة أولى / وذكرى عشرين عام مضت ///

[علي الحسني]

السلام عليكم ورحمة الله وبركاته
وأسعد الله أوقاتكم بالخير والمسرات وبعد:
تلبية لدعوة كريمة وجهت لي من أخي الفاضل محمد الفرحان يسرني ويشرفني الإنتساب إلى هذا المنتدى الرائع إدارة وأعضاء الزاخر بالشعراء والكتاب المبدعين وهذا ما لاحظته من خلال تجوالي في معظم أقسامه وليس قولي هذا من باب المبالغة أو المجاملة إنما هذه الحقيقة وإلى المزيد من الرقي والتقدم إن شاء الله .
وبعد تردد في الإختيار أحببت أن أصافحكم بهذه القصيدة آملاً أن تجد ولو الجزء اليسير من القبول لديكم وأعتذر إن لم ترق إلى مستوى ذائقتكم الشعرية . وتقبلوا مني أطيب التحايا
أخوكم أبوعبدالله

ياغبن قلبي على ماضٍ تولـى وفـات=والفرصه اللي تهيـت لي وضيعتهـا
ياخيبة الحظ يامتعـس حيـاة الشتـات=ياغربة العمر طـول الدهـر لازمتهـا
علمٌ حصل لي ما اقول انه روته الروات=ولاهي بكذبـة خيـال وقصـه الفتهـا
حبيت فيما مضى شيخة وست البنـات=عشرين عامٍ مضـت لكنـي اشتقتهـا
عشرين عامٍ مضت كم شاف طرفي فتاة=مامربي مثلهـا مـن يـوم فارقتهـا
عيونها السود والا رموشها الذابحـات=ماكنت اعرف الهوى الا حين شاهدتهـا
والا البرد لاتبسـم بيـن ورد الشفـاة=والا الشفق لا خجـل بخـدود داعبتهـا
روضه نديه تعطرهـا زهـور النبـات=يختال فيهـا ربيـع الحسـن لاجيتهـا
وإلا سواليفها وانا استمع فـي سكـات=كن البلابل تصيغ اللحن فـي صوتهـا
وإلا شموسٌ جرت بجبينهـا ساطعـات=تشرق بروحي ليالي السعـد لاشفتهـا
يوم ادبرت جرت الليل الطويل الجهـات=ليله حزينه وضيقـة صـدر عايشتهـا
حسيبي الله على مـن روج الشايعـات=الحاسد اللـي افترى كذبـه وصدقتهـا
من وقتها ماهني طرفي بطيب المبـات=رهن الهواجيس والتفكير مـن وقتهـا
أسري مع الليل والعالم تبـات بسبـات=كم دمعـةٍ ذوبـت جفنـي وسامرتهـا
يالا يمي لا تقول اللي مضى اقفى وفات=فرصه وكانت بيـدي كيـف ضيعتهـا