السلام عليكم ورحمه الله وبركاته
بصراحه انا طمعان بأن اكون اول واااحد يبارك لكم
ويهنيكم بشهر رمضان المبارك بدال سوالف المسجات
وسوالف قبل الناس والكل ورمضان علينا هل
وبقولكم مبـــــــــــــــارك عليكم الشهر
وعساكم من عواده
وكل عام وانتم بخير
وبصراحه طمعي بان يكون خالد ماطر اول واحد يهنيكم ليش ؟
بصراحه اولاً عشان الاجر لانكم راح تدعولي بالخير طبعاً
وثانياً عشان كل واحد فيكم يفرح ويستانس لما يقرا هذه التهنئه
ولي نصيحه خصوصاً للبنات
ديروا بالكم ولا يطوفكم الاجر بهذا الشهر الكريم ولا تخافون ترى المسلسلات راح
تنعاد بعد رمضان والله يقطعها لانه بصراحه عاده بايخه وللاسف صارت
القنوات الفضائيه تسمي شهر رمضان المبارك الشهر اللي اوله رحمه
ونصه مغفره واخره عتق من النار للاسف يسمونه شهر الفوازير والمسلسلات
وسؤالي لكم ؟ شهر رمضان ثلاثين يوم وممكن ايصير 29 يوم بصراحه تضمنون
اتعيشون لغايه رمضان القادم؟؟؟ طبعاً الله يديم علينا الصحه والعافيه وعلى كل المسلمين
وعليكم يارب العالمين
واطلبكم رجاء اذا احد زعلان منكم والا ماخذين بخاطركم من احد تسامحوا وابدو بالصلح
ترى الدنيا ماتسوى وياحلات الاحساس لما تحط راسك تبي تنام وانت تشعر بانه مافيه احد زعلان منك ولا انت زعلان من احد
واخر شي بقوله
كلنا نحس بسرعه مرور هذا الشهر ؟؟ ويطير بسرعه ( مثل الراتب ) :)
تدرون ليش ؟؟ لانه فعلاً شهر خير ونعمه وموده وصله رحم مو مسلسلات
ومسابقات وبيلوت بالدواوين ! (خاص بالشباب )
واخيراًً لكم كلكم مبارك عليــــــــــــــــــكم الشهر
وعساكم من عواد رمضان
هالسنه وكل سنه
قولوا أمين
اخوكم
(خالد مـــــــــــــــاطر )
أنت غير مسجل في منتديات منابع الأدبية . للتسجيل الرجاء إضغط هنـا
30-08-2006, 01:01 AM
{ مبروك عليكم كلكم ! }
المواضيع المتشابهه
خالد ماطر 
العرض الشجري