اغلى من جفوني ...( جديد)

[حسين آل صمع]

ياحياتي روح الليل مانامت عيوني = كنها تستجدي الدمع واحزاني مداها
لاذكرتك والسما شوق تستوحش مزوني= دامك تصدين ويصد.. بعروقي نداها
كان مخطي باطلب الحب يتقبل جنوني= من بداية رحلة اهواك لآخر منتهاها
قلبي وصدك والايام ياعمري بلوني = لين صارت نفسي تشك حتى في رجاها
قال: قلبي مالي ذنوب. قلت: الا شجوني= قال :ماخطيت وغلاها يسقيني غلاها
قلت: صبرك. قال : مليت . قلت: الله بعوني=دام حتى قلبي يضيق لاضاقت معاها
مابقى لي غير جرحين ومراية ظنوني= والسهر والشوق والهم.. لامدت جفاها
قلت لك ماصار ذا بعد وهمومه ظووني= زادت اوجاعي.. و والله مادور دواها
يابعدهم وان جفيتي فاغلا من جفوني = من هي غيرك عندي ان جات بالدنيا لقاها
دامها منك فتفداك. ياروحي عيوني = يكفي روحك كل ماجات تاخذني معاها