((ضريبة الحـــب))امريكا وبرلين((وحسني مبارك واسحاق رابين))

[سالم محمد اليامي]

الله يصبحكم ويمسيكم بالخير

بدايه معكم حبيت ان اصافحكم بقصيده من اقدم قصايدي




صلو على النبي

ضريبتك في الحب اكبر ضريبه=اكبر من امريكا ومن سور برلين
محدٍ على الدنيا نسى من حبيبه=وانتي نسيتي الي وفا والوفا دين
يابنت كان الحب حاله غريبه=ليه العرب في الحب سوت دواويين
امثال قيس وقلب ليلى الرهيبه=الي لهم في العشق قصة مجانين
ونتي عرفتي الحب كذبه وعيبه=مثل السياسه بين حسني ورابين
ناظر جروحك كل ابوها عطيبه=ماني بناسي يوم وشهور وسنين
جرحك بقلبي وين بلقى طبيبه=اتلفت في قلبي وريد وشرايين
الحب ماياتي بسيف وغصيبه=الحب من رب السما يااكحل العين
ونتي جحدتي حب قلبي وطيبه=وقلتي بان الحب ماله عناوين
مادام ذا مبداك كل ونصيبه=بس انتبه مبداك مبدى شياطين
وانا صبرت ومثل حبك شبيبه=غيرك يجي باالقلب ونتي تروحين
ماني مسوي مثل من شق جيبه=لا لا ورب البيت ونتي تعرفين
وقلبي لمن هو صد محدٍ يجيبه=مايلتفت قلبي لناسٍ مقفين
حبك ترى في وضع شمس المغيبه=باقي متر وتغيب شمسك من العين
يابنت غيرك يفتخر في حبيبه=لا صار معشوقه من اصل العريبين
وانا عريب الجد ربعي عريبه=من ساس يام الي شيوخ وسلاطين
بين العرب لي صيت عالي وهيبه=لا قلت يامي وقفت لي ملايين