محاورة بين تركي الفين والشيخ عايض القرني

[مبارك بن مسفر]

بسم الله الرحمن الرحيم

محاورة رائعة بين أمهر وأشهر الدعاة في العصر الحديث عائض القرني
والشاعر المبدع تركي الميزاني في مجلة المختلف للشهر الجاري :ــ


تركي الميزاني

سلام يا رمز الأدب والدين وبحور القصيـد=ياللي بنيت أمجاد وصروح ما تمحاها السنين
إنت بزمنا أكبر عطايا وقتنا وأغلى الرصيد=ولا أقول غير الله يخليكم ذخـر للمسلميـن

عائض القرني

أهلا هلا بالشاعر المقدام والشهـم الرشيـد=في حضرتك ننثر سنابل كادهـا والياسميـن
إليا ذكر تركي ذكرنا قصـة القـول المفيـد=أقطف زهور الورد من شعره على مر السنين

تركي الميزاني

الله يبارك فيك ياللـي كلمـا زادوا تزيـد=وتبني من الأشعار ما تذهل عقول السامعين
النار فاتح بابها والموت في حبل الوريـد=لكن متى تصحى قلوب الغافلين النايميـن

عائض القرني

ذكرتني بالنابغة والبحتـري وابـن العميـد=مجالس المأمون في بغـداد وأيـام الأميـن
معاوية نمدح علومه مير مـا نمـدح يزيـد=وش لون نمدح من توهق حيل في قتل الحسين

تركي الميزاني

هذي شهادة والشهادة منك يا دكتور عيد=نبي نعلقها على جدار الزمن للتابعيـن
أحد بها الدنيا شقي و أحد بها الدنيا سعيد=تمر دورات الزمن والعاقبـة للمتقيـن

عائض القرني

أبي أرسل الأشواق لكن كيف يحملها البريد=أحسن نوصلها وليلة عيد شـوق الطيبيـن
أرجوك خبّر كل مخذول وشيطـان مريـد=قبر الغزاة ديارنا وحنـا عيـال الفاتحيـن

تركي الميزاني

ضاعت حلول المشكلة يا شيخنا مابه جديـد=إلا غرور أهل اليسار وصمت أصحاب اليمين
مدري نقول لما مضى من وقتنا ليتـه يعيـد=وإلا عليك نهل كل الدمع يـا بـدر وحنيـن

عائض القرني

اليآس ذنب وعندنـا أحفـاد المثنـى والوليـد=والشبل من ذاك الأسد وأرض الوطن كله عرين
من يعتصم بالله ربه عاش فـي عمـره سعيـد=يبشر بحفظ الله له ويكون في حصـن حصيـن

تركي الميزاني

حنا بلشنا بالقريب اللي عرض دون البعيـد=يا صعبها لا حولت ما بين خشم وبين عيـن
الجرح مبطي مابرى والصبر ذاب مع الجليد=ولا أقول غير الله يعين القانتين الصابريـن

عائض القرني

حنا تعودنا على طحن الحجارة والحديد=ولا نخاف الموت لنّا للجنان مسافريـن
عدونا والله ما يحميه زيـد ولا عبيـد=على جماجمهم نشيد مجدنا الباهي المتين

وسلامتكم



منقوووووووول