قلبى يا مركب كله جـــــراح ..... شق بحور الحزن نـــــــــواح
وانا مستنى اصيدالفرحــــه..... هوه الجرح يجيب افـــــــراح
قلت احاول ويا زمانى..... شجر الفرح فى طبعه انانــى
ان يوم ضمك تحت جناحه..... بكره يسيبك تحزن تانى
***
نفسى اتحرر زى الطيــــــــر..... انسى الشر وازرع خيـــــــر
ابدر حب الفرح فشمسى..... بس انا خايف تطلع بـــــــور
بحلم اهرب من احزانــــــــى ..... حلم ولكن مات فى النور
وان فكرت اطير بجراحــــى ..... مين بيطير بجناح مكســـــور
***
***
لِم ياقلبى شراعك لِم ..... حضن الحب ماعدش يضم
يبنى عشانك عش ولكن..... كل نهار يقتللك حلم
حلم فى حلم تلاقى حياتك..... فى الاحزان داير مايدور
وان فكرت تطير بجراحك..... مين بيطير بجناح مكســـــور
*****
د.ابراهيم ابوزيد
أنت غير مسجل في منتديات منابع الأدبية . للتسجيل الرجاء إضغط هنـا
19-11-2006, 11:52 AM
جــــــــــــــــراح
د.ابراهيم ابوزيد 
العرض الشجري