أنا أول مهاويس الكلام وعاشقين البيد

[سالم البريدي]

الإهداء : لـ قلوبكم التي تشبه الأوراق البيض


ورق وشلون أمدك لأخرك حتى أحس إنك

تشد من السما نجمْ وصباح وعالم وتغريد

أسولفـني عليك ولاتعبت أسمع بعـد منك

وإذا تعبك حزني ضمنّي وأخلق بداية عيد

ورق ياكثر ماطاح الكلام بحرفنة .. ظنك

وأنا أول مهاويس الكلام وعاشقين البيد

ورق خذني لصدرك ضمني حتى أجي كنك

أولّف بين نرجسة الكلام وريحة الأوركيد

لإني ياورق من كثر ما أبيضيّت من فنّك

أحس إني بياضك وأشبهك ياسيد التجريد

كثر مالذت بك طبطبت روح وقلت ماعنّك

تجي كنك صدر انثى حنون تمارس التبديد