جتني رسالتها

[ناصر الشعلان]

السلام عليكم
في البداية معذرةً على الانقطاع ولكن لظروف كثيره واهمها مرض الوالده شفاها الله وجميع مرضى المسلمين وهذه قصيده عن اعياد راس السنة اتمنى أن تنال رضاكم

يا بنت عن درب الردى خاطري شام= نهايته مايندرى وش وراها
كفي دموعك لا تعيشين باوهام=وخوذي نصيحة مخلص ٍ لك عطاها
جتني رسالتها بعد غيبة أعوام=لي تعتذر باللي حصل من جفاها
تطلب حضوري حفلة ٍ أول العام=والعيد من دوني يكدر صفاها
تبين (شاعرها) على عزف الانغام=اكتب وتروي من قصيدي ضماها
راس السنه برقه على روس الاعلام=يغري عقول ٍ ما تحسب إخطاها
ناس على حجز المقاعد لها زحام=ومن حب قوم ٍ راح يمشي وراها
احد ٍ على باريس واحد ٍ على الشام=وناس ٍ على البحرين يسعد مساها
وحنا مشينا للمعاصي بالاقدام=ننسى وربي (يالمها) ما نساها
مَيّزك ربي بالحلا كامل ٍ تام=واخاف من يوم ٍ يصيبك بلاها
هذي حقيقة شاعر ٍ بّعد ماهام=ابعد عن دروب الشقى مابغاها
حب ٍ يجي منه الردى حب هدام=وين الشموخ : وعزتك وش مداها ؟
خلي عواطفنا وسجات الاحلام=وهمس المساء ضيع بنات ورماها
وأنتي وتفكيرك وعقلك وما رام=والبنت يظهر زينها في حياها

حبي للجميع
ناصر الشعلان