,؛,ادخل واحصل على خروف مجانا .. كلكم ادخلووواا ,؛,

[لون الثلج]

:

السلام عليكم ورحمة الله وبركاته

هلابكم اعضاء منتدى منابع

بس بما ان العيد الاضحى قرب ..ومابقى الا ايام ..

حبيت اهنيكم بقدوم العيد..وان شاء الله اكون اول المهنيئين لكم

وهذي هديت لكم :D




وش رايكم


ودي أعرف وش الاشياء اللي اتسوونها بالعيد الاضحى ..

وكيف الحركه فيه ..وشلوون استعدادكم للعيد..

جبت لكم معي شوية أسئله ..ماهي كثيره ..:)


*// عاااد الله لايهينكم نبي منكم .. نأخذ أحد الموااقف اللي صاارت لكـم ,, أو اللي صارت

للعاائلة مع الخروف .ولو سمحتوا لحد يجي يقول لي مافيه ترى بنذبحه?? . ;)

*// وفيه سؤال يؤرق مضعجي ويجول بخاطري ع الدوااام .. هل قد شفتواا ذبيحة وهي تموت

قدام ناااظريك .. وتلفظ انفااسها الاخيرره ..؟؟ ..

*// واذا كنت رجال هل قد ذبحت الذبيحة.. وكم مررة ..??

ومن اللي يذبحها معك يعني احد يساعدك .. وايش هو احساسك لما تجي

تذبحها <- لاتضحكون على اسئلتي رجااء ..؟:D

*// واذا كنتي بنت هل قد قطعتي الذبيحة وسلختيهاا .. وهل عندك استعدااد لانكـ تسوين

هالشي والا فاشلة بالحياة وماعندك، ماعند جدتي <- اسمع من يتكلم بس.. :p


*// هل فطوركم بالعيد يكون من الاضحية والا تسيف وقلوا لنا وشو الله لايهينكـم .!!

*// وش أكثر شي يهمك بالعيد .. لما تصحى .. واكثر تحرص عليه..!؟؟

*// شي بتفقده بهالعيد هالسنة ..!!??

*// هل أنت من محبين اللحوم .. !وايش الوجبة اللي تحرص على تناولها بالعيد ..اللي تكون

مصنوعة من نفس الذبيحة .؟!!.<- حلوة كلمة "مصنوعة" احسها لعبة ههههههههههه

*// واذا قد احد منكم راح للحج مررة .. ياليت يحكي لنا مواقف قد صاارت له .. ??

//*وايش الا شيااء اللي افتقدها بمكة .. والاشياء الروحانية اللي شعرت فيها ومالقيتها بأي مكاان اخر..؟؟

//*من اول عضو ودك تهنيه بالعيد ..؟؟

//*من اول شخص في البيت تحب تهنيه ..؟

//*وشوو برنامجك داايما بالعيد الاضحى..؟

//*وش نوع الملابس اللي تحب تلبسها يوم العيد..؟؟
.
.


أهم شي ياحباايبي ..

مرة ثاانية اقول لكم .. كل سنة وانتم بخيررر ياكل الخـــير .. وينعااد علينا وعليكم وانتم بصحة وسلااامة ان شالله ..

بهذا المتصفح .ياحلويين .. رااح نستقبل التهااني والتبريكاات بالعشر المباركة وبقدومـ العيد

اللي مابقى عليه شي ... ونستقبل كماان مواقفكم وسواليفكم .. وياريت لو أحد عنده صور

يحطها لنا .. و على فكرة نستقبل ا التبرعات والأضااحي بعد


المهم يلة عااااد تعااااااالوا ..

نبي نهرج ونفلهاا ونوسع صدورنا ونضحكـ ونستانس ونطق ونرقص <- انهبلت:D




بانتظااركم
أحترامي لكم

.