أنــا .. والعيـــــــد

[نايف بن فيصل]

السلام عليكم
وكل عام وانتم بـ إلف خير ..
ومن العايدين جميعـــــاً
*
*
*
أنا والعيد .. بعض من كتاباتي واتمنى ان تروق لكم وتحوز ولو جزء من إستحسانكم .
للعيد داخلي شجون .. إلهام يصب على ذاكره \ مخيلة \ هاجس فيكون النتاج حبر على ورق
فـ إليكم بعض ما زارني بـ العيد ..
لنبدأ بنص بعنوان .. هذا أول عيد

هذا أول عيـد ..
بقربك يافرحي .. وعيدي !
إنتظرتكـ . .
بعد ماتعبت من دقَة الباب .. إيدي
وبعد ماطال .. صبري وتنهيدي ..!
إنتظرتكـ ,,
وأعتبرتكـ .. سِيد سيدي ..
وغيركـ من النـأس ..
حاشية او من عبيدي ..!!
إنتظرتكـ ,,
وكنت أبي .. اكون
أول .. من يقول ..
عسى عيدكـ سعيدي ..
جيتي بعد ماراحت فرحتها ..
وبعد ماراحت معها
دقِة مواعيدي ..
جيتي .. تقولين ..
راسكـ عنيد ...
انت الاول بالغلا ..
وانت عيدي !
هذا أول عيد
بقربك يافرحي.. وعيدي ..
زيدي.. عشقك ..لي ..بالغرام زيدي ...
وعيدي.. بعيدك.. ياعيدي ..عيدي !!!

وثاني نص ... بعنوان عيدي بدونك ..

عيدي بدونك .... عيد
\
/
\
عيد الكآبة
عيد الملل والرتابة
عيد الجرح والتهابه
وهجر القلم للكتابة
والوجيه اللي تشابه
عيد سؤالاً ما لقى له إجابة
وإنتظار صحراء لـ السحابة
عيد مغبونً شقق ثيابه!
و إعتزل هالناس وقفل بابه
عيد الخوف بين ذيابه ..
و من تاه وسط غابه ..
وإن قالوا جاك .. قل وش جابه !!!

وثالث نص بعنوان ... عيدي بـ إختصار

قــالوا: اليوم عيـــــد ..
وليــه أنت واقف بعيـــد ..
بـ يدينكـ .. ورد ..
وبـ صدرك ألف تنهيـــــد ..!!
إقرب بـ إبتسامة ..
وفكـ ..عن الحواجب تعقيـــد ..!
وجامل الفرحة .. وجامل النااس ..
وجيه" سمحة .. بـ أجمل إحساس ..
وخل الهنـــا يزيــــــــد ....
قلت : إيــه .. هذا هو العيد ..
وكل عام .. وكل منكم سعيد ..
بس عيدي وليت العيد بـ الخَيـــَـار ..!
يوم يكسف وجهها شمس النهــار ..
وتزهر ضلوع قلبي ويكسيها خضار ..
وتنفض كل الارض من الغبــار ,,,!
وتتلون خدودها خجل وإحمرار ..!
قلبين يجمعهم مكان ,,
ويدور بين العيون أعذب حوار ..
عندها أطلب الوقت .. يوقف .. !!
وإن عاندني وبغى الاستمرار .. !
أحضنها داخلي برمش وأنزف ..!
ولا أفتح جفني .. مهما صار ...!
وأهديها العمر نقش على فخار ..
وأصرخ .. ياناس هي عيدي بـ إختصار ..
لو بعدها .. ينتهى بي المشوار ...!!!

وعساكم من عواده