ابعــدت ليته معـي

[محمد بن بداح]

أبعدت ليته معى وتلوعه الغربه=ويذوق ماذاقته نفس(ن) معنيها
راحت حياتي ونا فى بعده وقربه= وكل مانتهت غربة(ن ) نرجع ونبديها
كل ماطويت السهر والشوق والكربه=ومديت يمنى(ن) تتوق لظم غاليها
ردت تقول الضمى..! لاترتجى شربه=ونفس(ن) روتنى عطش لو علت أضميها
لاحت بحد الرهيف وسلة الحربه=وقالت ضلوعك وش الى يوجعك فيها
كنيت صوت اليتيم بليلة (ن) طربه=ساعة لمح صورة أم (ن) كان ناسيها
نادى وهى تدرج به حرتن عربه=يمه ..! فلبت لصوت أصغر عوانيها
وناشت جبين الصغير أيمينها الذربه= فتكسرت كل عبراته على ايديها
فى لحضة الشوق شاف سنينه الخربه=ساعة لمح خلفها طفل(ن)يناديها
ياونتى ونتن تصدح بها الغربه=كان الشقا باول أيامى وتاليها
ودلو(ن) يجى منه بالما طاوين غربه=فالله يلعن قصيد قد كتب فيها
مادام لى همامة(ن) ماتلمس التربه=الاسجود وخضوع لأمر واليها
فنذر (ن)علي لانتحى وصد عن دربه = وجمع طعون الغلى ورحل وخليها