ما اعــرفوا صـــوتي !

[شامخ الرشيدي]

السلام عليكم ورحمة الله وبركاته

يموت الحلم ما مات الشجاع ولا شكى من شيّ = لو ان الحلم من عهد الطفولة ما شكى موته !
سوى انه لا احتضر حلمه قبل وقت الوفاة اشويّ = وقف وقفة مشاهد يشرح المشهد من ابيوته
وسجل موجز القصة من اول ما ترعرع حيّ = تفاصيل الحياة ..وسيرة الحلم .. وطرق قوته
عبر والا حكم والا درر والا ضلال و فيّ = تفيد العالم اللي لو تكلم ما اعرفوا صوته !
يشوفون القصيد اللي يسجل من نجاحه ليّ = قصيد ٍ يبهر الشاعر بفكرة حرف منحوته
قصيد ٍ من عرفني ..رزّ نفسه واتبعّ له زيّ = عميق ابحور .. فتـّـاك الخيال و مربح اكروته
عرفني بالزمان اللي يصنّف من زمان الكيّ = و عرفته من جذوره قبل لا يثمر عنب توته !
وفي ٍ .. لا نخيته نزّل ارحاله على يدي ّ = واسجل ما طرالي من حروفي بأول النوته
سكن بين السطور أقسى السهوم اللي توزّع فيّ = من الخل ومن الصاحب وقلب ٍ دفن تابوته
دفنته يوم طحت ولا عرفت آقف على رجليّ = ولكني دفنته .. واندفنت بـهـيبة اسكوته
بأعيش اللي بقى لي و الله اعلم ما بقى لي شيّ = ما دام القلب مات .. ونظرتي ما فارقت موته !

4/5/2007 ..!

وسلامتكم ..

تقديري لكم ..اخوكم ابو نايف