ابي السموحة وادري بحقك اخطيت

[بروق السحايب]

السلام عليكم ورحمة الله وبركاته


استوقفتني هذه القصيدة ولا أعرف قائلها ولا مناسبتها

أتمنى أن تنال استحسانكم

	ابي السموحة وادري بحقك اخطيت=ادري جرحتك يا غلا سامحيني جاهل غـرام وبالجهالـة تماديـت=غايب شعور وغايب الحب فيني غشيم ما عمري على الحب مريـت= توي غرير بالهوى فاعذريني في غيبتك من جافي البعـد عانيـت =خدي تجرح والسبب دمع عيني غبتي وانا في جمرة النار حسيـت = حسيت حزني والاسى محتويني ابكي غيابك كل ما اصبحت وامسيت = همي سكن ما بين روحي وبيني هذا الذي في نفسي اليـوم سويـت = ضيعت انا محبوبتي من يديني اما تجين واضوي القلـب والبيـت = ولا تعالي طالبـك واقتلينـي مسموحة بدمي وانا اللـي تجنيـت= واذا انشدوا قولي باوفيه ديني لا صرت جثة في يديك وتراخيـت= ضمي لصدرك جثتي واحضنيني الله وجب في شرعنا نغسل الميـت =ابي بدمعك يا غلا تغسلينـي لا صرت في وسط الكفن واستقريت = تكفين في هافي حشاك ادفنيني