يفوح صدري فوحة ادلالٍ اعذاب --- رسلانتينٍ فوق جمر الغضى اركيت

رشـيد الكـسر · 17-11-2007, 04:09 PM

بسم الله الرحمن الرحيم

السلام عليكم ورحمة الله وبركاته

متواضعه اضعها بين ايديكم .. عسى ان ترتقي ولو للقليل من رضى ذائقتكم

ألفٍ هلا لاجيت وألفين ترحاب = خطوه عزيزه يوم حظرتك لي جيت
ضي الفرح في ناظري ماله غياب = وحزني تبدد غيمته يوم طليت
وعني همومٍ تنجلي مالها حساب = وقلبي من جروحه تشافى وغنيت
انت الدوا وانت الشفا وانت الاطباب = ياللي ليا شفتك تراني تعافيت
انت الامل والظن ابد فيك ماخاب = علقت امالي فيك واقول ياليت
انا بدونك ليلةٍ بدرها غاب = ظلما وحيشه لو بها يشتعل ليت
بين الحنايا العوج ولعت ملهاب = لاضي سناها في الحشا يوم شبيت
يفوح صدري فوحة ادلالٍ اعذاب = رسلانتينٍ فوق جمر الغضى اركيت
ومشاعري باحت لك بلوم وعتاب = وتفجر احساسي على شانك ابطيت
لا ياشقاي وعلتي بعد الاحباب = اللي بنوا بأقصى الضماير لهم بيت
واقول ماشفته مقادير واسباب = من واحدٍ يرجع له الحي والميت

وسلامتكم

أخووكم

رشيد بن شعيفان الكــسر

( حايره ) · 18-11-2007, 12:50 AM

عليكم السلام ورحمة الله وبركاته

رشيد

بداية أهلاً بحضورك في منابع الأدب

مصافحة اكثر من رااائعه

قصيدة جميله تجعلنا أكثر طمعاً لنطلب المزيد

نتمنى تواصلك الدائم مع صفحاتنا

ألف صح لسانك

ولا هنت

رشـيد الكـسر · 19-11-2007, 01:51 AM

اقتباس:

المشاركة الأصلية كتبت بواسطة ( حايره )

عليكم السلام ورحمة الله وبركاته

رشيد

بداية أهلاً بحضورك في منابع الأدب

مصافحة اكثر من رااائعه

قصيدة جميله تجعلنا أكثر طمعاً لنطلب المزيد

نتمنى تواصلك الدائم مع صفحاتنا

ألف صح لسانك

ولا هنت

حايره

مرور اكثر من رائع

ومشكوره على ترحيبك يالغاليه

وصح بدنك

سلمتي ودمتي

تقديري واحترامي

رشيد الكسر

لون الثلج · 19-11-2007, 04:41 PM

:

رشيد الكســر

اول شي ارحب فيك وياهلا والله فيك

وبجد نور المنتدى بوجوودك

اقتباس:

انـا بدونـك ليلـةٍ بدرهـا غـاب
......ظلما وحيشه لو بها يشتعـل ليـت
بين الحنايا العوج ولعـت ملهـاب
.....لاضي سناها في الحشا يوم شبيـت
يفوح صدري فوحة ادلالٍ اعـذاب
.....رسلانتينٍ فوق جمر الغضى اركيت