شـــطّ الأحزان

[عبدالله الدوسري]

يا عبرةٍ سالت على شطّ الأحزان=تجدّدت منها الجروح السّليمه
قامت تشكّل في نظر عيني ألوان=تستعرض أصل الذكريات القديمه
غديت كن مالي ربوعٍ و خلاّن=و الصدر ضاق بضيقةٍ مستديمه
هذا زمانٍ مخلفٍ كل الأزمان=ما عاد ينفع فيه شيمه و قيمه
ولّيت يا وقتٍ بطر فيه الإنسان=يكفر بخلاّقه و يجحد نعيمه
تغيّرت فيه المشاعر بنكران=و الأمر بالمعروف حوّل جريمه
يالله ياللي خالقٍ كلّ ما كان=يا من تفرّد بالصّفات العظيمه
يا من تقدّر كل شيّءٍ بميزان=يا ملهمٍ عقل البشر و البهيمه
فرّج على اللي يرتجي منك غفران=سلّم سلاحه و إعترف بالهزيمه
يا ربّ عفوك يوم زوغات الأذهان=لا من تبرّى المودمي من نديمه
ظلّل علينا ظل جودك و الإحسان=و ارفع من عبادك صنوف الظّليمه
و تعزّ دينك يالولي بين الأديان=يا من عليك المعتمد و العزيمه

[رزان الدوسري]

عبدالله الدوسري


صح فكرك وسلم قيلك



لك التقدير وماجور من الحزن


وكل عام وانت بخير

[عسافه]

عبد الله الدوسري


صح لسانك

وتسلم يمناك

ولاهنت

وكل عام وانت بخير

تقبل مروري المتواضع

[هاااوي]

صح لسان اخوي عبدالله
تقبل مروري وتحياتي

[نديم الليل]

صح الله لسانك
شاعر ومبدع ومتألق
امتعتنا بهذا النص المتألق

[طعم الحب]

صح لسانك يعطيك العافيه كلمات رائعه سلمت يدااااك ودمت بود

[ودعاني الشرقية]

أخوي / عبدالله الدوسري
صح لسانك على أبداعك بهذه القصيدة الجميلة والجزلة وقد لامست قمة الأبداع والتميز ونظمت أبياتها بأسلوب راقي
وتقبلي شكري وتقديري

[قطرة حبر]

سلم يمينك ابداع أكثر من رائع تجلى في قصيدة رائعه تقبل خالص تحياتي

[قديم الشوق]

شاعرنا المبدع / عبدالله الدوسري

ياهلا بك والله وبعودتك الميمونة محملا ً بالشعر العذب

وصح لسانك على هذه القصيدة الجزلة والمليئة بالشعر الحقيقي

شكرا ً لك من الأعماق

ولا تحرمنا من جديدك الممتع

وتقبل فائق احترامي وتقديري

[ماجد المحيميد]

صح لسانك اخوي عبدالله

وقصيده رائعة مع تمنياتي لك بالتوفيق