على اللـه أشــتكي همّي وهمّــــك

[محمد الضرير]

اخواني وأخواتي .. الحب الصادق وقناعتك بمن تحب يجعل الحب أكثر قوة وأشد صلابة
ومقاومة لكل الظروف مهما عصفت به لا يتزحزح قيد أنملة ، كتبت يوماً حول ذلك هذه
الكلمات المتواضعـة ، أرجو أن تنـال إعجابكم وتحــوز على رضاكم .. وهي :

أحبك يوم انـا قلبـي دليلـي = وهمّي من فراقك هـدّ حيلـي
على الله اشتكي همّي وهمّـك = عسى الله يجمع الشمل وتجيلي
يطول الليل من فرقاك واسهـر = مع الهاجوس ودموعي تسيلي
أهوجس فيك واكتب بك قصايد = عساي أرتاح لو شي(ن) قليلي
أداعب طيفك الغالـي واضمّـه = واحضنه والتوي به طول ليلي
أشوفك واسمعك واشمّ ريحـك = وكنّك جالس(ن) معي تحكي لي
يلازمني خيالك طـول وقتـي = عشانك عايش(ن) فيني نزيلي
سكنت الروح والهبت المشاعر = بحسنك والوفا مالـك مثيلـي
معك حسّيت بالحـب الحقيقـي = أبيك ولا تبي غيـري بديلـي
ومهما قلت انا ماوفيـك حقـك = نظيف العرض والمعدن أصيلي
ألا ياويل ويلـي مـن فراقـك = عساي افداك ياضافي الجديلي
عسى يومي قبل يومك حبيبـي = فدا ضحكتك والخصر النحيلـي
عسى الله يحرسك من كل حاسد = ويجمع شملنا واشفي غليلـي
فمـان الله وحفظـه ياغناتـي = عساك بخير وبعمر(ن) طويلي

أخوكم / محمد مبـارك الضرير