قصة غرامي

[اشقر على اشقر]

قصيدة للشاعر المبدع غريب ( العمري )
كلام رائع مليء بالاحساس والمشاعر
بالنسبة لي شخصيا اعتبرها من افضل القصائد
التي قرأت

وعنوان القصيدة : قصة غرامي


عزمت أكتب شعوري ولو لحقني إحراج
وأوضح وش بقا فيني واكشف الخافي
وأصور دمعه بعيني وابدع بالإخراج
واحاكي الحرف والكلمه وانضم لها قافي
دلهم ظلام الليل بالسهر والدروب فجاج
والسهر جمر يحرق من وطا حافي
والليل سجن يا الله عجل بالإفراج
خلى أحلامي هجوس وضيقتي لحافي
عيا صباح الناس في دنيتي ينباج
والغيم فوقي والمطر ينوي إجحافي
وش خلى دموعي على خدي تهل افواج
وش خلى ثيابي تمل من لبسة أكتافي
وش شق قلبي غير تغلي مترف مغناج
وخلى سدودي تبيح دمعها الصافي
بنيت من الصبر فيني قصور محصنه وابراج
ويهدمها سواد الليل بعجه السافي
تراه صار يتعبني ظلام مالقاله سراج
وان لقى سراج _ فتيله دايمآ طافي
غرامي قصته مركب على جالة بحر قد هاج
وشلون ابرحل وانا ضيعت مجدافي
تبيني احلف _ اقسم برب البيت محتاج
ألقى فؤاد يلمني وآكون له وافي
حالي في بعده حال ضرير ما لقى له علاج
قضى عمره وهو يحلم يقوم الصبح متعافي