عشـــــــــق بدويـــــــــــــه **

[علي بن تركي الشهري]

أسعد الله مساكم جميعا اعضاء ومشرفين

قصيده بعنوان ((( حب ابدويه )))

كنت أحسب ان الهوا طيب على قلب الهواوي ***لين ماشفته طعن قلبي بسكينٍ قويه

الله أكبر والله أكبر وين دارك يالمداوي ***زادت اجروح القلوب وكانت اجروحي شويه

صاحبي يا راعي الوقفات يابعيد الهقاوي ***ويش أسوي بحضريٍ حبله بنت ابدويه

والله أني كنت صادق واشهد اني كنت ناوي ***بالوفاء . والصدق انا معطيه من عندي هويه

لين ما شفت الخيانه واتضح فيها مساوي***أنفجــر قلبي ولا ينلام لو سمعــــوا دويه

أشهد ان الحب بلوا من كبيرات البلاوي ***صارت ادموعي تسيل وصارت أضلوعي طويه

قالوا أن الحب جمره .. قلت أنا للحب قاوي ***وانشويت وصارت ايامي مع أحلامي شويه

ياوجودي وجود اللي يبي كل المناوي ****شاغلٍ باله وتفكيره على راحه ذويـــــه

وأبتدا في رحله أيامه على كل الخلاوي ****تاركٍ حلو السنين ولا معاه الا خويــــه

وأبتدا يجمع من الثروه ولا فيها عطاوي ***وانتهى وأصبح من اكبار العرب بالاولويه

صار يركب طايرات وكان يركب في عراوي ***وأخذ ماله لا يحطه فالبنوك الربويه

لكن الشيطان يلعب فالقلوب وفالخطاوي ***صاحبه ملعون واثره صابر وعنده رويه

طعنتين وظربتين وحطها بين النحاوي ****ذيبٍ أمعط لو يخفي عن عباد الله عويه

وأخذ مال الشايب اللي لو يساوي ما يساوي ***سوود الله الوجيه اللي تخطط بالغويه

ذا وجودي يوم أجمع لك شعوري بالتساوي ****وآتحير ويش أقدم من حروف النحويه

لين ما شفتك تعاف الصدق واتحب الخطاوي ***كلما حليت عقـــده جيتني تلوي لويــــه

قلتلك هذي سنيني كل أبوها لك فدااوي ***أربع وعشرين عام وسقتها لجلك سويــــــه

لكن أنتي غاويه وانا ترا ماني بغاوي ****وأوعدك ماعاد ابرجع للهـــــدا ولا الحويـــــه