مايحجب الشمس غربال

نايف المقاطي · 10-11-2007, 02:00 AM

السلام عليكم ورحمة الله وبركاته

قرأت وقرأ الكثيرين مثلي الأقلام اللتي جندها أصحابها للتقليل من ملتقى الهيلا

وسمعت وسمع غيري ماأثير في الملتقى .من ضعاف النفوس من أفراد بعض القبائل

االذين بلاشك لايمثلون الا انفسهم ولا يمثلون القبائل المنتمين إليها

آملين زعزعة الثقة بين شيوخ وأبناء قبيلة الهيلا . ولكن الله خيب آمالهم

هنا كان للشعر كلمة اصر على أن يقولها .

قال المثل مايحجب الشمس غربال=يافاهم الأمثال هاك اتحليله
من واقعٍ ملموس ماهو تِخيال=ولا ينذكِر قولٍ بليا دليله
واقع قرانا فيه تفكير واقوال=ناسٍ تدور للقشر وتعديله
وكثرو نواقيله هل القيل والقال=كلٍ يحاول قدح زند الفتيله
لكن مالقيوا لهم فيه مدخال=ماحصّلوا غير الزّرا والفشيله
رفرف علمنا غصب عن كل الانذال = وكبودهم تشوى بنارٍمليله
بان الصحيح ومات حاسد وعذال=والما يبين ولا تغطه نثيله
في ملتقى الهيلا يبرهن بالأفعال=واللي مشكك أظهر الله حفيله
شيٍ يفوق الوصف مامثله محال=مدينةٍ تبنى وتسكن بليله
تجمعٍ تبهجبه النفس ويخال=اخيال برقٍ من صدوق المخيله
تبى تدور سنين واجيال واجيال=ماواحدٍ فالخلق سوّى مثيله
فعل الرجال اللي تشرِّف وتجتال=بين المكارم والفعول الجليله
قومٍ لهم في ذروة المجد منزال=بعزومهم ماتصعب المستحيله
قبيلة يضربها امثال وامثال=فالمعجزات النادرات الثقيله
لطامة العايل ولا كل من عال=يسلم من اللطمات ويعز حيله
رجالهم ينطح ثمانين خيال =مايعرف الذله ولا فيه ميله
سطوة شجاع من السطر فوقهم جال=ومن العدو مرهي وضامن حصيله
من حس بطعون وعلاه الزمن مال=ادنى عتيبي يزبنه ويحكيله
يلقى البشاير والشحم جيبله فال=تذبحله الحيل السمان القليله
من اول الدنيا وباقي ولا زال=ورثٍ مورث بين كل الفصيله
صدقانهم يحيون باكرام واجلال=وعدوهم يسقونه الحنظليله
قبيلةٍ يفخربها كل رجال=ياحيها ياحيها من قبيله

غيمار

قديم الشوق · 10-11-2007, 04:12 PM

أخي الكريم / نايف المقاطي

صح لسانك

قصيدة وافية ومافي الحكي فايدة

صح لسانك حتى ترضى

وتقبل فائق تحياتي

أخوك / قديم الشوق

سعود المسعد · 10-11-2007, 08:18 PM

نايف المقاطي
كعادتك مبدع بكل الاحوال
صح لسانك مدد حدالرضى
لك ودي ومتابعتي

محمد الفرحان · 11-11-2007, 02:40 AM

.

.

لطامة العايل ولا كـل مـن عـال = يسلم من اللطمـات ويعـز حيلـه

والنعم بالهيلا وبك يانايف

وصح لسانك ولاهنت على هذه

الوافية والجزلة وبالفعل مايحجب

الشمس غربال . .

.

.

لاعدمنا تواصلك

.

.

تقبل فائق تقديري واخترامي