القهوه السعودية على اصولها ...طرق عملها بالخطوات المصورة

العف الخجول · 10-01-2011, 10:48 PM

السلام عليكم ورحمة الله وبركاته

صلحت لكم القهو ة السعودية من البدايه وطريقة حمسها وحبيت اوريكم طريقتي بالقهوه ويارب لك الحمد قهوتي الكل يمدحها اهلي وجيراني وكل الي حولي وحبيت تستفيدوا واتمنى انها تعجبكم ......

نبدا التحضيـــــــــــر :

نحمس على نار هادئه تقريبا ربع كيلو قهوه بريه اخذتها من محل خاص للقهوه وانا افضل البريه بمقلاه خاصه للقهوه ......

ثم احمس مع القهوه تقريبا ملئ يدي شيبه وهذا شكلها ......

ونحمسهم باستمرار وهذا شكلها بعد مرور ثلاث دقائق....

وهذي بعد مرور5 دقائق.....

وهذي بعد مرور 10 دقائق .....

وهذي بعد ربع ساعه اذا تحبين المستكه ضيفي تقريبا 5 حبات وهي حار وحركيها لتذوب وشيليها عن النار ......

ونطفي عنها ونحطها بصحن لتبرد تماما ....

وهذي من قريب.....

بعد ماتبرد ننسفها بمعنى نطلع قشرها وننفخ لتنظف القهوه وهذا شكل القشر لما تجمع ....

ثم نطحنها طحن مو ناعم خشنه شوي .....

[CENTER]

ثم نحط بابريق القهوه 5 كاسات ماء ونخليها تفوح لما تفوح اضيف حبتين عود قرفه اذا تحبين القرفه .....

ثم اضيف عليها ملعقتين كبار قهوه ونص ملعقة حليب بودره او شوي حليب سائل ......

وخليها تطبخ ربع ساعه على نار هادئه .....

واحط بثلاجة القهوه ملعقة هيل ....

ونص ملعقة مسمار ....

وقبل لاشيل القهوه من النار اضيف زعفران واخليها اقل من دقيقه لتاخذ اللون الاصفر ....

ثم تصب بالثلاجه وتقدم ......
نقره لعرض الصورة في صفحة مستقلة

ملاحظه انا حمست القهوه درجه متوسطه تبيها افتح اغمق انتي مخيره بس خير الامور اوسطها وكمان لازم تطبخ على الاقل ربع ساعه لنص ساعه
والقهوه الحلوه مالها دخل لابنوعية هيل او مسمسار هي على الحمسه واذا بتحمسين كميه مثلا كيلو قهوه حطي معها نص كيلو شيبه بس حطيها بقدر كبير علشان تحمسيهم زين ولاتنسين تحمسيتهم باستمرار علشان ماتلون من جهه وجهه لا ، ودمتوا...
وبالعافيــــــــــــــــــــــ ـــــــة ...... دعواتكـــــــــــــــــم

م

زهر البيلسان · 13-01-2011, 11:39 AM

وعليكم السلام ورحمة الله وبركاته

هالله هالله استقبلتنا صفحتك بريحة القناد والقهوة العربية الأصيلة

في هالشتا يا محلى طعمها ويا التمر تدفينا وتعطينا طاقة

الحين صار الكثير يشتري خلطات القهوة جاهزة ببهاراتها وتوابلها

يعطيك العافية يا العف الخجول

قهوتك واصلة فديتك نقره لعرض الصورة في صفحة مستقلة

ما ننحرم من طيب إبداعاتك وما تنقلينه لنا

صبي لي قهوة ولا عليك أمر نقره لعرض الصورة في صفحة مستقلة

العف الخجول · 13-01-2011, 04:11 PM

زهر مستحيه احنا اخوات حياتي مدي يدك لاتستحي
واحلا قهوة لاحلى زهر

نقره لعرض الصورة في صفحة مستقلة

الله يعطك الف عافيه ياعمري
ع المرور ياعسل المنتدى

دندنه عود · 01-03-2011, 03:55 PM

الله نفسى والله هلاء بفنجان الله يسامحك مو وقته هل الموضوع خليتينى احتاس بالمطبخ ياليتها بس تظبط
سلمت يداك على الموضوع الحلو تصدقين ريحه القهوه واصله عندى

العف الخجول · 01-03-2011, 07:50 PM

اهم شي ان الريحه توصل بالسلامه ^_^
يلا ولا تنسي تدعيلي وادا ماضبطت
انتبهي تدعي علي
فديتك ياقمر شاكره مرورك حياتي

سمو القلم · 02-03-2011, 12:56 AM

هلا وغلا بيك العف الخجوول

عندي سؤال لازم نحط الشيبه ؟؟؟

ما اعرفه بن ومستكه اثناء الحمس لاغير

اشكرك

العف الخجول · 02-03-2011, 02:55 AM

ياقلبي الموضوع منقول
بس انا اشوف انه عشان نكهة القهوة
انتي جربي بها وبدون ^_^
وادا مو عاجبك خلاص لاتحطيها
نورتي ياعسل

مراجن · 22-03-2011, 09:06 AM

وعليكم السلام ورحمة الله ..
يا حلو متصفحك يا العف الخجول
ريحة القهوة من بعيد نادتني
بس ماشاء الله شرح وافي للي مافي أمل يعرفون يسوونها
على قول زهور الغالية
قهوتك واصله وبما أن احنا داخلين صيف
نبغاها مع الرطب نقره لعرض الصورة في صفحة مستقلة
يعطيك العافية وتسلم الايادي
لك ودي وأمتناني

قديم الشوق · 29-03-2011, 01:25 AM

موضوع رائع

وقهوة عربية ذات نكهة خاصة

العف الخجول

أشكرك على هذا الموضوع الجميل

الله يعطيك ألف عافية

وتقبلي فاائق تقديري واحترامي

العف الخجول · 22-04-2011, 02:14 AM

اسعد الله قلوبكم وامتعها بالخير دوماً

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخير وعافية

لكم خالص احترامي

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)